Million Dollar Baby
Eastwood yn dyrnu tuag at lwyddiant
 
Y sêr
Clint Eastwood, Hilary Swank, Morgan Freeman, Anthony Mackie, Margo Martindale, Brian F O'Byrne
Cyfarwyddwr
Clint Eastwood
Sgrifennu
Paul Haggis
Hyd
131 munud
Sut ffilm
Ffilm focsio 'draddodiadol' ar yr olwg gyntaf ond mai merch sy'n taflu ei dyrnau y tro hwn.
Ond y mae'n tyfu i fod yn rhywbeth amgenach na hynny gyda diweddglo annisgwyl y byddai'n annheg ei ddatgelu.
Mae'n cael ail wynt yn y sinemau ar ôl ei henwi'n ffilm orau yn yr Oscars.
Ar ben hynny dyfarnwyd Eastwood yn gyfarwyddwr gorau a dyfarnwyd Hilary Swank yr actores orau a Morgan Freeman yr actor cynhaliol gorau.
Sylfaenwyd ar stori gan hyfforddwr paffio a drodd yn awdur, F X Toole.
Y stori
Yn groes i'w ewyllys mae'r hyfforddwr bocsio Frankie Dunn (Eastwood) yn cael ei berswadio i hyrwyddo a chreu gyrfa mewn bocsio i Maggie (Swank) diolch yn bennaf i ddylanwad Scrap (Freeman) hen focsiwr sy'n rhedeg gym dillwg a thlodaidd gyda Dunn.
Er nad yw'n baffwraig naturiol mae gan Maggie ddwrn a fyddai'n eich anfon i'r wythnos nesaf a a phrofa'n fwy llwyddiannus na'r disgwyl.
Buan iawn y daw yn 2million dollar baby" ac o fewn gornest i bencampwriaeth y byd.
Y darnau gorau
Y cecru rhwng Dunn a Scrap. Mae'n wych cael dau actor mor fedrus yn gyfeillion mor anfoddog.
Hefyd, Maggie yn prynu tÅ· i'w mam fel y gall symud o'i threlar i gartref go iawn.
Perfformiadau
Anodd gweld bai ar berfformiad Eastwood a Freeman - er rhaid cofio mai cymeriadau ystrydebol yw Dunn a Scrap.
Mae Swank hithau yn wych fel y ferch o berfeddion gwlad sydd am wneud enw iddi ei hun, yn rhannol er mwyn gwella amgylchiadau ei theulu tlodaidd.
Mae'n dweud rhywbeth am eu perfformiad hwy i'r ffilm fod yn gymaint o lwyddiant.
Y canlyniad
'Iawn' - dim ond iawn. Boddhaol yn hytrach na gwych ac heb fod yn symud mor llyfn a Meet the Parents ond gyda thameidiau digon blasus.
Ond prawf arall o beryglon dilyniant - ac wrth gwrs mae rhywun yn ofni'n awr y bydd yna o leiaf un dilyniant arall i gynnwys y briodas ei hun. Ond bydd y jôc wedi hen fynd yn stêl erbyn hynny.
Gystal â'r trelar?
"Mae paffio yn ymwneud â pharch - ei ennill i chi eich hunan ond ei ddwyn oddi ar y llall."
" (Maggie) yn dod o rywle sydd rhwng lle'n byd a ffarwel."
Gystal â'r trelar?
Ydi.
Ambell i farn
Plesiwyd beirniaid yr Oscars a chynulleidfaoedd ond doedd yr ymateb ddim yn gwbl unochrog ei chanmoliaeth gyda gwefan saesneg y 91Èȱ¬ yn dweud nad oes gan Million Dollar Baby ddim mwy i'w gynnig o safbwynt stori na gwreiddioldeb nac a gafwyd yn Rocky, Raging Bull neu The Champ.
Ond ni ellir osgoi'r ffaith fod perfformiad y tri phrif actor yn dyrchafu'r ffilm hon.
Bu sawl un yn feirniadol o drosleisio Freeman fel dyfais i gario'r stori yn ei blaen ond daw arwyddocâd hynny yn amlwg erbyn y diwedd.
Cwynodd rhai fod y ffilm yn 'araf' - ond dydi hi ddim yn llusgo.
Gwerth mynd i'w gweld?
Mae'r gymysgedd o deimladau, gwrthdaro a chyffro yn cydio.
 |
Ychwanegwch eich sylwadau i'r dudalen fan hyn:
|
|
 |
|
|
