91Èȱ¬

Kingdom of Heaven
Brwydr hir a diflas





Y sêr
Orlando Bloom, Liam Neeson, Eva Green, David Thewlis, Marton Csokas

Cyfarwyddwr
Ridley Scott

Sgrifennu
William Monahan

Hyd
144 munud

Sut ffilm
Cyfarwyddwr Gladiator yn mynd i'r afael â'r Croesgadau gyda Christnogion a Mwslemiaid yn sgyrnygu a gwneud pethau ofnadwy i'w gilydd yng Nghaersalem y ddeuddegfed ganrif.

Ond mae yma ymgais ddwys i wneud y ffilm yn berthnasol i gyflwr y byd a'i raniadau crefyddol heddiw gyda phwyslais ar lwybr cymedroldeb a goddefgarwch.

Y stori
Yn of cyffredin mewn pentref yn Ffrainc gorfodir Balian (Orlando Bloom) gan amgylchiadau i ymuno â'i ryfelwr anrhydeddus o dad (Liam Neeson) sy'n ymladd yn Jerwsalem.

"Dos cyn belled a lle maen nhw'n siarad Eidaleg gan ddal i fynd nes maen nhw'n siarad rhywbeth arall," yw'r 'Cynllun Ffordd' fel petai!

Jôc sy'n cael ei hailadrodd wrth gau pen y mwdwl ar y stori.

Unwaith mae o'n cyrraedd Jerwsalem mae yna chydig o syrthio mewn cariad, llawer o foesoli, llawer o athronyddu a mwy fyth o ddarnio pobl gyda chleddyfau a bwyelli wrth i Gristion a Mwslim geisio dod i ddealltwriaeth.

Ond mewn ffilm sy'n ymdrechu i fod yn wleidyddol gywir Mwslemiaid rhesymol, cytbwys a chymedrol yw'r rhai dan arweiniad Saladin (Ghassan Massoud) yn Kingdom of Heaven o gymharu a charfan front Knights Templar y Cristnogion imperialaidd.

Y canlyniad
Ffilm ysgytiol, cignoeth ei hymladdfeydd ond diflas ei hathronyddu.
"Esmwyth i'r llygaid ond caled i'r pen ôl ," meddai un beirniad am ymgais bwysfawr Ridley Scott i ddweud rhywbeth o bwys am yr ymrafael bresennol rhwng gwledydd cred ac Islam.

Trueni nad oes cymaint o liw i'r ddeialog ag sydd yna i'r ymladdfeydd.

Ymddengys i stori a pherthynas rhwng cymeriadau gael eu haberthu ar allor brwydrau ffyrnig a moesoli pregethwrol.

Fel y dywedodd un beirniad: "Marchogion, cestyll, cleddyfau, peli tân, olew chwilboeth a bwrlwm gwaed digidol."

Y darnau gorau
Os oes gennych awch am waed a ffyrnigrwydd mae'r brwydrau'n anhygoel - yn enwedig y frwydr i fwrw i lawr fur Jerwsalem.

Perfformiadau
"Ei ddilyn i frwydr - fydda chi ddim yn ei ddilyn i Woolworth."
Anodd anghydweld â barn adolygydd gwefan ffilm y 91Èȱ¬ am berfformiad Orlando Bloom.

Mae Neeson, fodd bynnag, yn rhagori a'r ffilm yn bwyiogi drwyddi pan fo ar y sgrîn ac mae bwlch ar ei ôl.

Difywyd a di sbarc ydi Eva Green yn y stori garu.

Mae Jeremy Irons yn rhagori fel cynghorydd i Baldwin, brenin gwahanglwyfus Jerwsalem (Edward Norton) yn gwisgo mwgwd i guddio rhaib y clefyd ar ei wyneb.

Rhai geiriau
"Nid llofruddiaeth ydi lladd y di-gred ond llwybr i'r nefoedd."

"Fe ddaw y dydd pan fydd yn edifar gennyt na wnaethost yr ychydig ddrwg er lles y daioni mawr."

Gystal â'r trelar?
Ydi - ond yn hirach. Yn llawer hirach.

Ambell i farn
Anodd credu gymaint y pegynnu barn sy'n bosib ynglÅ·n ag un ffilm. Rhai yn canmol i'r cymylau eraill wedi diflasu'n llwyr. Er enghraifft:

• "Rhannol yn wers hanes, rhannol yn ddarlith, yn gyfangwbl syrffedus mae'r Kingdom of Heaven yn burdan.

Ychwanegwch eich sylwadau i'r dudalen fan hyn: Enw a lleoliad: Sylw: Mae'r 91Èȱ¬ yn cadw'r hawl i ddewis a golygu sylwadau. Darllenwch sut i wneud y siwr caiff eich sylwadau eu cyhoeddi. I anfon cyfraniad mwy, cysylltwch â ni.