Y rheswm yw bod Dafydd, y gwr a'r wen, yn ymddeol ddiwedd y mis nesaf.
Wrth i siop Maelfa yn Stryd Wesla gau am y tro olaf, daw un o fusnesau hynaf y dref i ben.
Meddai Helen Elis, un o deulu'r siop: 'Bu'r siop ym mherchnogaeth y teulu Morgan ers blynyddoedd cynnar y ganrif ddiwethaf.
"Prynwyd y siop a'r busnes groser gan Evan a Lizzie Morgan ac yno y magwyd eu chwe phlentyn, sef William, Charles, Gwen, Norah, Robin ae Evie.
Bu
Lizzie yno hyd ganol y 50au pan ddaeth Gwen (y ferch hynaf, a nain Dafydd) i helpu ei mam yn gyntaf, ac yna yn 1958 hyd ganol yr 80au Gwen oedd y siop-wraig ond yn cael llawer o gymorth gan Ken a Dafydd.
"Wedyn wrth gwrs, Dafydd, yn 1984 yn dilyn ei Nain a'i hen Nain ac yn newid ychydig ar y cynnyrch
drwy ganolbwyntio ar lysiau, ffrwythau a physgod."
Mae Dafydd yn cofio bod ei Nain yn gwerthu paraffin, ymysg pethau eraill, ac mae'n cofio moch yn cael eu cadw yn y cefnau.
Mae hi'n siop gartrefol braf. Ambell waith pan na fydd neb yn digwydd bod tu ôl i'r cownter bydd cwsmer wedi bod i mewn, yn helpu ei hun i'r ffrwythau, a gadael y pres ar y cownter.
Ym mhle arall heblaw Porthmadog y ceir ymddiriedaeth fel hyn rhwng siopwr a'i gwsmeriaid?
Gweithiodd Dafydd yn galed iawn ar hyd y blynyddoedd. Ni chafodd wyliau ers deng mlynedd, na cholli diwrnod o'r
siop.
Bydd yn mynd i Lerpwl i nôl llysiau
ddwywaith yr wythnos, cychwyn berfeddion nos a dod adref i gynnal y siop drannoeth.
Un Nadolig cyn cael fan newydd fwy, bu yno bedair noson yn olynol. Ar ben hyn i gyd mae ei fusnes yn mynd ag ef i westai o Gricieth hyd Harlech.
Teimladau cymysg sydd ganddo wrth ymddeol.
Beth mae Dafydd yn mynd i'w wneud wedyn tybed?
'Dim,' oedd yr ateb. Mae'n haeddu hynny. Pob hwyl Dafydd yn gwneud dim, dyna'r peth sy'n cadw rhywun brysuraf o'r cwbwl!
Ìý
