91Èȱ¬

Bu 800 o ymgeiswyr ifanc yn cystadlu am 45 o lefydd fel actorion neu weinyddwyr llwyfan.

Chwaraeodd Dion ran y cymeriad Math yn y sioe.

Fo, hefyd, oedd llais y cawr Bendigeidfran.

'Mae o wedi bod yn brofiad gwych,' meddai Dion. 'Cydweithiais efo actorion profiadol o flaen cynulleidfaoedd yn Aberystwyth, Caerdydd a'r Wyddgrug."

Mae Dion yn fab i Treflyn a Sheila, ac yn frawd i Aron Elias wyneb cyfarwydd o fyd cerddoriaeth gyda'i fand poblogaidd 'Y Rei' a'i waith fel gitarydd clasurol.

'Dechreuais fy niddordeb mewn perfformio yn Ysgol Eifion Wyn,' eglurodd Dion. 'Cymerais ran mewn llawer i eisteddfod, a chefais gefnogaeth fawr gan Mr Hughes, y prifathro.

"Dywedodd wrth fy nhad bod gennyf ddawn arbennig, ac anogodd fi i feddwl am yrfa fel actor yn y dyfodol.'

Ar hyn o bryd mae Dion yn dilyn cwrs ar gyfer darpar perfformwyr, ac yn astudio amrywiaeth o bynciau yn cynnwys actio, llais, dawns a chyfarwyddo.

Ar ôl gorffen ei gwrs yng Ngholeg Menai, mae Dion yn gobeithio mynd i Goleg Brenhinol Cerdd a Drama yng Nghaerdydd.