91Èȱ¬

Enillydd Tlws yr Ifanc yn y Ffôr nos Sadwrn diwethaf oedd ei mab, Gwilym Dwyfor, a chyd-ddigwyddiad oedd iddo yntau fethu a bod yno hefyd.

Nid eira na llwch o Wlad yr îa a'i rhwystrodd ond ei waith rhan-amser yng Nghaerdydd.

Fe'i cynrychiolwyd gan ei fam.

Hyfryd hefyd oedd gweld Dic ei dad yno yn dilyn ei lawdriniaeth.

Yn ôl y Prifardd Twm Morys, y beirniad, 'roedd y gystadleuaeth yn un galonogol iawn o ran niferoedd ac o ran safon.

Ceid digon o wreiddioldeb a mentr yn y cyfansoddiadau.

Stori am ŵr ifanc yn bysgio a ddaeth a Gwilym Dwyfor i'r brig.

'Roedd y beirniad wedi cymryd ati yn arw. Yn un peth, soniai am ffordd o fyw y bu ef ei hun yn ei 'how-ddilyn' ar un adeg, ond na welsai erioed ddim wedi ei sgwcnnu amdani o'r blaen.

Disgrifid y bywyd hwnnw, ei hwyl a'i siom a'i droeon trwstan yn gywir - ac roedd yn stori wedi ei hysgrifennu'n dda iawn.

'Wil' (er cof am W.S. ei daid tybed?) oedd ffugenw Gwilym Dwyfor, sy'n 22 oed.

Graddiodd yn y Gymraeg yng Nghaerdydd y llynedd ac mae'n awr yn dilyn cwrs M.A. mewn ysgrifennu creadigol a gwerthu hufen îa Cadwaladars yn rhan amser yn y brifddinas.

Rhoddwyd y wobr ariannol o £30 gan gwmni drama Llwyndyrys. Gwilym a enillodd ar y stori fer hefyd.