Ar sail ei pherfformiad diweddaraf yn y ffilm
Royal Wedding (91Èȱ¬) credaf y gellir dweud gyda
hyder y bydd wyneb Gwyneth Keyworth yr
actores o Bow Street yn un cyfarwydd iawn ar ein
sgrïniau yn y dyfodol.
Mae'r camera, fel y dywedir,
yn ei 'hoffi ', mae ganddi amseru ardderchog
a dangosodd unwaith eto ei bod yn feistres ar
acenion ac yn gallu cyfl wyno llinellau yn ddidwyll
a naturiol.
Tybiaf fod yr is-deitl 'introducing
Gwyneth Keyworth' ar gychwyn y ffilm yn
dangos fod y cynhyrchwyr yn gwbl ymwybodol
eu bod wedi darganfod dawn newydd arbennig.
Mae Abi Morgan, awdures y ffilm yn
adnabyddus am ei hysgrifennu cryf ac am
ymdrin â phynciau heriol ac nid oedd y ffilm
hon yn eithriad.
Ar yr wyneb ffilm am bentref
yn y cymoedd yn dathlu priodas Charles a Diana
oedd Royal Wedding ond roedd wrth reswm
yn llawer mwy na hynny.
Tammy Caddock , y
cymeriad yr oedd Gwyneth yn ei chwarae oedd
yn trefnu'r dathliad ac felly yn linyn gysylltiol
i'r ffilm.
O ganlyniad roedd y cymeriad yn
allweddol i lwyddiant y ffilm ac yn dipyn o
gyfrifoldeb i roi ar ysgwyddau ifanc. Ond gydag
aeddfedrwydd rhyfeddol dangosodd Gwyneth ei
bod yn gallu ymgymryd â'r cyfrifoldeb hwnnw a
chreu cymeriad hynod o amlochrog.
Llwyddodd
i gyfl eu ystod eang o emosiynau a hynny'n aml
yn ddi-ddeialog ac rwy'n siwr fod yr awdures Abi
Morgan yn hapus iawn gyda'i dehongliad.
Roedd
y cyd-chwarae rhyngddi â Jodie Wittacker, oedd
yn chwarae ei mam, yn llawn anwyldeb.
Mewn
gwirionedd gellir dadlau mai ffilm am Tammy
Caddock yw Royal Wedding oherwydd hi sy'n
cynrychioli 'merch newydd yr wythdegau'.
Y
ferch sy'n rheoli ac yn penderfynu ar ei dyfodol
ei hunan yn hytrach na bod yn israddol o fewn
priodas a'r gweithle ac roedd perfformiad grymus
Gwyneth yn tanlinellu hynny.
Darlledwyd y ffilm fel rhan o dymor y 91Èȱ¬ i
gofi o'r 'wythdegau', degawd o ddirwasgiad difrifol
i ardaloedd fel Blaengarw, lleoliad dychmygol
y ffilm hwn, a'r tristwch yw fod yr ardaloedd
hynny'n dal i ddioddef hyd heddiw.
Nid oes gen i fawr o gof am briodas Charles
a Diana. I ddweud y gwir roedd y briodas yn
golygu llai imi nag i Charles hyd yn oed.
Ar y pryd
ychydig o bobl a wyddai 'fod tri yn y briodas' wrth
gwrs ond erbyn hyn mae'r byd i gyd yn gwybod
a defnyddiodd Abi Morgan hynny i greu eironi
ddramatig effeithiol.
Er fod rhai agweddau o'r ffilm
megis ambell i ystrydeb, y diwedd ffantasïol a'r ffilter
melyn i gyfleu cyfnod yn tarfu ar fy nifyrrwch
hoffais y dull y defnyddiodd Abi Morgan y
briodas frenhinol i greu eironi ddramatig ac
i adlewyrchu priodasau'r prif gymeriadau.
Ac
fel yn ei ffilm Sex Traffic gan yr un awdures
roedd rhannau o'r deialog yn rymus iawn.
Ond yn fwy na dim mae hi'n braf gweld
actores ifanc yn llwyddo, yn enwedig actores
o ardal Y Tincer ac rwy'n proffwydo y bydd
enwebiad BAFTA yn sgil y perfformiad
ardderchog hwn.
Ìý
