Mae Carolina wedi cysylltu â ni gyda neges Saesneg yn holi am gymorth i ddilyn ei hachau.
Dyma ei neges: "Rwy'n edrych am wybodaeth am fy nhaid, Benjamin Davies, a aned yn Llandeilo ond a ymfudodd i Wladfa Camwy yn gynnar yn yr Ugeinfed Ganrif.
"Wnes i erioed gwrdd ag ef, ond fe hoffwn wybod mwy amdano. Daeth teulu fy nain o ardal Dyffryn Teifi. Eu henw nhw oedd Davies - Finch.
"Byddai'n braf i gwrdd â disgynyddion eraill er mwyn ymarfer Cymraeg," meddai.
Os medrech chi helpu gyda gwybodaeth neu awgrymiadau am sut y gall Carolina ganfod mwy o wybodaeth am ei theulu, a wnewch chi yrru e-bost atom ar Cymru'r Byd cymru@bbc.co.uk ?
Fe anfonwn eich holl atebion ymlaen at Caroline yn y gobaith y bydd hynny'n ei helpu i ddod o hyd i fwy o wybodaeth am ei theulu.
|
