91Èȱ¬

Cawsom ddatganiad o'r ddeuawd boblogaidd "Hywel a Blodwen" na chafwyd ei thebyg o'r blaen a'r gynulleidfa yn y capel orlawn yn dangos eu mwynhad a'u gwerthfawrogiad.

Roedd y corau ar eu gorau gydag Ann Allman, Richard Griffiths, Willie Roberts a George Lander yn unawdwyr a'r tri¬awd Owen John, Robin a Trefor yn ein swyno a charolau hen a newydd.

Cyflwynydd y noson oedd Donald Glyn Pritchard. Rhoddodd ysgafnder a hiwmor i'r cyngerdd yn ei ffordd radlon ei hun gan wneud pawb, yn artistiaid a chynulleidfa, yn gartrefol ac yn falch o gael bod yno.

Llywydd y noson oedd Margaret Hughes, Llwydiarth Fawr. Gwraig hynod o weithgar ac annwyl gan drigolion y Llan.

Dangosodd ei gwerthfawrogiad o fod yn llywydd y noson drwy roi swm anrhydeddus iawn i Gronfa Atgyweirio Festri CapeI Ifan. Diolch yn fawr iawn i chwi Margaret a Richard eich priod.

Talwyd y diolchiadau gan Linda'r Hafod yn ei ffordd gartrefol ei hun.

Yn bresennol yn y gynulleidfa oedd Dilys Lunt Roberts (Pwllgynnau gynt). Cyfeiriodd Donald Glyn at y biano newydd sydd yn y capel a gyflwynwyd yn rhodd i'r achos gan Dilys.

Cyfeilyddes y noson oedd Gres Pritchard a fu'n hynod o brysur. Hyfryd oedd clywed Rhys Meirion yn cyfeirio ati fel 'Super Star' yn gallu eistedd wrth y piano a chwarae mor fendigedig heb ymarfer ymlaen llaw.

Trefnwyd y noson gan Gres ac Evie Jones. Cyflwynwyd blodau gan blant yr Ysgol Sul a threfnwyd gwledd o luniaeth wedi'r cyngerdd bythgofiadwy.

Bu Lleisiau Llannerch yn canu yn Ysbyty Gwynedd cyn y Nadolig a mawr fu'r canmoliaeth.

Buont hefyd yn diddori aelodau Cymdeithas Lon y Felin nos Fercher, Chwefror 14eg dan arweiniad Gres Pritchard.