91Èȱ¬

Mae Henna yn 9 oed ac fe brynodd mam hi pan oedd hi'n 7 oed.

Nid oedd wedi gwneud llawer o gwbl ac mae popeth rydym wedi ei ddysgu rydym wedi ei wneud hefo'n gilydd gyda gwersi gan arbenigwyr yn achlysurol.

Erbyn hyn, mae Henna yn eithaf profiadol ac wedi cystadlu llawer iawn. Rydym yn cystadlu mewn 3 maes o farchogaeth sef dressage, neidio dros glwydi lliw a thraws gwlad. Ein hoff ddau ydi neidio a thraws gwlad.

Eleni, fodd bynnag, rydym wedi bod yn llwyddiannus iawn gyda'r dressage.

Ers y Pasg, rwyf wedi bod yn cystadlu'n gyson ar nos Fercher ac yn casglu pwyntiau. Roedd mam a fi yn mynd ar ôl yr ysgol, ac fe fuom yn llwyddiannus ac ennill y wobr am gasglu'r mwyaf o bwyntiau trwy'r tymor.

Mae marciau allan o gant yn cael eu rhoi am bob prawf dressage sy'n cael ei feirniadu gan feimiad proffesiynol. Mae marciau Henna a fi wedi bod yn y 70au y rhan fwyaf o'r tymor.

Uchafbwynt eleni oedd cymhwyso ar ddechrau'r gwyliau haf i gystadlu mewn cystadleuaeth dressage cenedlaethol.

Roeddwn yn cynrychioli Gogledd Cymru a Sir Gaer sy'n cael ei alw'n Ardal 5 gan y Clwb Merlod.

Roedd yn fraint ac yn anrhydedd cael cario enw fy nghlwb bach i, sef Aberconwy, ac roeddwn yn teimlo'n gynhyrfus iawn.

Roedd y gystadleuaeth yn cael ei chynnal ger Congleton yn Sir Gaer ar y 23ain o Awst.

Doedd dim rhaid i ni deithio'n bell o'i gymharu â rhai, dim ond cychwyn am 5.30 y bore.

Roedd y bobl a barciodd drws nesaf atom yn dod o Gernyw ac wedi teithio'r diwrnod cynt.

Bu mam yn siarad â rhai o'r Alban ac fe enillydd fy adran i o Essex.

Fe ddois yn 7fed allan o 32. Roeddwn yn teimlo'n falch iawn. Roedd yn ddiwmod braf a chynnes gydag aw: hapus.

Roedd yn rhaid i mi fynd i gasglu fy ruban hardd aur a du llawer iawn o bobl.

Roedd yn ddiwmod bythgofiadwy. Dyma lun o i fi yn ein hoff faes - neidio dros glwydi lliw mewn cystadleuaeth yn 5 ym mis Mehefin.