91Èȱ¬

Ganed Mai ar y 31 o Fai ym Mangor yn ferch i Brifathro Trefriw, Glyn Owen Griffith a Gwen Griffith. Roedd ei rhieni yn weithgar iawn yn y pentref ac yn mwynhau cymryd rhan yng ngweithgareddau'r ardal.

Dyma Stori Mai:

Mae gen i ddau frawd, Peris Wyn yr hynaf, a arferai chwarae pêl droed i Gwydyr Rovers yn Llanrwst (roedd o'n arfer fy nhalu i am ll'nau a chaboli ei esgidiau cyn pob gêm!). Nid oedd fy mrawd arall, Geraint, sy'n dal i fyw yn Llanrwst, yn chwaraewr pêl droed, gwell . oedd ganddo deithio ar ei feic modur! Ganed fy chwaer Eleri yn Nhŷ'r Ysgol, Trefriw.

Ymddeolodd fy nhad o'r ysgol ym 1968 ac aethom i fyw i Brestatyn i ymyl fy mrawd Peris. Bum yn gweithio fel nyrs ddeintyddol am ddwy flynedd ar bymtheg a bu Eleri yn gweithio ar y papur Rhyl Journal. Cyn i ni adael Llanrwst roeddem ein dwy yn chwarae pêl droed i dim Clwb Ieuenctid Llanrwst ac ymhen y flwyddyn ar ôl symud i Brestatyn fe ffurfion ni Dîm Peldroed Merched Prestatyn. Er Imwyn cael arian i brynu dillad i'r tîm fe gasglo'm dunelli o bapur newydd a'i werthu!

Buom yn chwarae ein gemau i gyd at achosion da a chawsom dyrfa ' dda i'n dilyn ar hyd arfordir Gogledd Cymru. Unwaith pan oeddem yn chwarae yn Bastion Road ar gae F.C.Prestatyn yn erbyn Merched Foden daeth dros 3,000 o bobl i'n cefnogi.

Erbyn y seithdegau cynnar yr oedd gennym dîm arbennig a enillodd pob gêm a chwpan o fewn ein cyrraedd.

Cyfarfu fy chwaer, Eleri, â Michael Roberts a chwaraeai i dîm Prestatyn. Ar ôl priodi symudasant i Wrecsam. Cawsant dri o fechgyn, pob un yn beldroediwr! Mae Daniel, yr hynaf yn chwarae i dim Heol, Neil yn gapten Wrecsam F.C. a bu yn chwarae i Gyrnru ac mae eu brawd Stephen yn chwarae i Doncaster Rovers, bu ef hefyd yn chwarae i Gymru.

Yn 1973 dewisiwyd pump o'n tîm i chwarae pêl-droed i Gyrnru a thair i Loegr. Yr oeddwn i yn un o'r chwaraewyr. Fel arfer roeddem yn ymarfer yn Ne Cymru, ym Mhort Talbot fel rheol. Euthum ymlaen i chwarae dros Gymru un ar hugain o weithiau. Mae gen i saith Cap Cymru a chwareais mewn dwy Gwpan Byd yn yr Eidal - Rascara a Rimini - amser anhygoel!

Yn ystod fy ngyrfa chwaraeais Hoci i'r sir, sboncen i'r sir a phêl rwyd ond yn ddeugain oed rhoddais y gorau iddynt i gyd a throi at golff.

Ym 1988 symudais o Brestatyn yn ôl i Ddyffryn Conwy i Lan Conwy a ymuno â Chlwb Golff, Betws y Coed. Cyfarfum a llawer o ferched oedd yn gybyddus â'm teulu pan oeddem yn byw yn Nhrefriw, pobl fel Pat Rowley, Tina Evans, Brenda Cawley, Iona Thomas a Hilary Humphreys - hwy wnaeth fy nghyflwyno i'r gêm Golff a hwy ddysgodd bopeth am y gêm i mi! Bum yn bencampwraig y Clwb 5 gwaith.

Ymunais â Chlwb Golff Conwy ym 1996, rwyf yn chwarae i raddnod o 10. Rwyf yn chwarae i Dîm y Merched ac yn ystod yr hâf bum yn chwarae yng Nghaerfyrddin ym mhencampwriaeth Tîm Cymru.

Llwyddais i ennill pob gêm ac rwy'n edrych ymlaen at y flwyddyn nesaf pan fyddwn yn chwarae yng Ngogledd Cymru - yn Nefyn, rwy'n credu. Enillais dlws arbennig yng Nghonwy yr hâf hwn - cefais 3 birdie ac un eagle. Ar hyn o bryd rwyf yn byw ym Mwcle efo'm cymar ac yn gweithio fel Rheolwr Cwrnni Yswiriant yn yr ardal, rwyf yn y swydd hon ers ugain mlynedd.

Rwy'n edrych ymlaen yn arw at gael ymddeol yrnhen ychydig flynyddoedd fel y cawn eto ddychwelyd i'm hoff ddyffryn - Dyffryn Conwy.