91Èȱ¬

Bu'r ail dim yn fwy llwyddiannus fyth, gan gipio'r Goron Driphlyg fel petai. Enillodd yr ail dîm Adran Gyntaf Cynghrair Threeways Subaru Gwynedd, yn ogystal a Chwpan Ron Jones a Chwpan John Hughes. Cyflwynwyd cwpan y gynghrair ar faes chwarae Clwb Pêl-droed Conwy Unedig.

Cytunodd y rheolwyr - Chris Williams a Martin Tomos ar gyfer y tîm cyntaf, ac Iwan Roberts sy'n rheoli'r ail dîm - fod y buddugoliaethau yma yn tystio i waith caled y chwaraewyr i gyd dros y flwyddyn olaf. Ychwanegwyd fod yr hogiau wedi creu grŵp lle mae pawb yn chwarae dros ei gilydd, gan greu teimlad o undod yn y ddau dîm.

Mae'r ddau dim rŵan wedi cael dyrchafiad i gynghrair uwch, gyda'r ail dim yn cymryd lle'r tîm cyntaf yn Uwch Gynghrair Gwynedd, a'r tîm cyntaf yn codi i Gynghrair Cymreig Pentraeth Honda.

Mae'r Clwb Pêl-droed yn darparu timau ar gyfer plant a ieuenctid hefyd, ac hynny ar gyfer gwahanol oedrannau. Mae'r timau yn dechrau ar gyfer plant dan 8 oed, ac mae timau wedyn ar gyfer pob oedran hyd at 17 oed, gan gynnwys timau merched dan 11 a dan 12 oed.

Mae'r Clwb yn trefnu gweithgareddau ar gyfer yr haf, gan obeithio cydweithio hefo chlybiau chwaraeon eraill yn y dref a'r dyffryn. Ar brynhawn Sul, Gorffennaf 25ain, croesawir tîm Merched Lerpwl i Barc Gwydir, am 2-30. Mae croeso i bawb ddod i wylio a chefnogi. Efallai fydd merched Lerpwl yn medru rhoi hogiau Llanrwst yn ôl yn eu lle...