Briosgaidean Bracaist Fallain
Grìtheidean:
160g Deataichean bog
60g Ìm cnothan no Ìm almon
40g mil no siorap àlas ceud bliadhna (agave)
4 spàin-bùird sìol puimcean
4 spàin-bùird sìol Chia
100g corca brochan
50g cnò-fhrangach no cnò almon (air an gearradh nan cnapan)
Dòigh:
Cleachd pròiseasar-bìdh airson na deataichean a dhèanamh mìn agus gus an tig iad còmhla ann an bàl. Cuir spàin-bùird uisge goileach na cheann mura bheil iad a’ steigeadh ri chèile.
Blàthaich an t-ìm chnothan agus am mil ann am pana gu math socair gus an tèid a dhòrtadh.
Cuir gach nì eile ann am bobhla agus na deataichean agus dòirt air na chaidh a leaghadh anns a' phana. Measgaich seo gu math còmhla. Feumaidh tu do làmhan a chleachdadh airson na deataichean a chuir na lùib ceart agus gus am bheil a h-uile dad air a chuir na chèile.
Cleachd treidhe fuine 20 cm cearnagach. Cuir pàipear fuine ann agus cuir am measgachadh ann. Sgaoil a-mach e gu còmhnard agus cuir seo dhan frids airson co-dhiù 20 mionaidean, mus geàrr thu e na bhriosgaidean.
‘S urrainn an cumail airson 3 lathaichean anns a' frids no nas fhaide anns an reothadair.
