Tar-sgr矛obhadh: Maureen an Afraga a Deas
Maureen: Dìreach aig mo làimh chlì an seo, tha muncaidh a’ coiseachd dìreach tro na craobhan an-dràsta, agus, oh uill, ma gheibh esan air coiseachd an seo fad an latha, chan eil rian nach urrainn dhòmhsa cuideachd.
Sin, tha an àite seo dìreach làn muncaidhean, agus sin dìreach aon dha na muncaidhean dìreach a’ leigeil bin an siud an-dràsta agus ’s dòcha gur e seo an t-àite a tha iadsan a’ cleachdadh airson an t-sealladh acasan fhaicinn dha na h-uisgeachan cuideachd.
Wow, seo, tha mi a’ tighinn chun an t-sealladh a-nis, agus ’s e seo an àite as fheàrr chanainn. Tha seo dìreach àlainn. Tha thu dìreach, na creagan mun cuairt air agus dìreach na h-uisgeachan a’ dol sìos dhan a’ bhùrn. Agus, tha sin, ’s e sealladh cumhachdach dha-rìribh a tha sin.
Agus chanainn ’s dòcha nuair a bhios tu a’ faicinn dealbhan dha na h-uisgeachan gur ann à seo a bhios iad a’ tighinn, oir tha thu a’ faicinn deagh shealladh.
Tha thu dìreach a’ coimhead ri na h-uisgeachan, tha thu dìreach mun coinneamh mar gum biodh, agus tha e brèagha, brèagha dha-rìribh agus tha mi a’ smaoineachadh gur e seo, ’s e seo an t-sealladh as fheàrr.
