91Èȱ¬

"Yr adeg 'ma llynedd oedd 'da ni £15,000, eleni mae'r swm dros £22,000. Mae hynna'n gynnydd aruthrol ac yn rhywbeth i ni fod yn wirioneddol falch ohono," meddai. "Ond dyw hi ddim yn rhy hwyr - croeso i bobl ddod â'u cyfraniadau draw i'r Mans unrhyw bryd."

Y Frigâd Dan

Efallai eich bod wedi cael eich stopio gan ddynion tân Llambed ger archfarchnad y Co-op ar nos Wener 21ain Tachwedd. Na nid eich bod yn goryrru, ond gan fod y dynion tân yn casglu arian tuag at Apêl Plant Mewn Angen y 91Èȱ¬. Bu'r dynion tân yn brysur iawn rhwng 4 a 6 o'r gloch a llwyddwyd i gasglu swm anrhydeddus o £1078.54. Cyflwynwyd y siec i'r Parchedig Goronwy Evans, a hoffai dynion tân Llambed ddiolch i bawb a fu mor barod i gyfrannu.