91Èȱ¬

Mae yna wledd arbennig wedi ei threfnu ar gyfer cyngerdd agoriadol Eisteddfod Rhys Thomas James Pantyfedwen Llanbedr Pont Steffan nos Wener 29 Awst yng nghwmni artistiaid o fri sef Hogia'r Wyddfa, Eleri Owen Edwards ac Elen Morgan.

Fel y gwyr pawb mae Hogia'r Wyddfa wedi cyfareddu cynulleidfaoedd ar hyd a lled Cymru a thu hwnt ar hyd y blynyddoedd.

Heb os dyma'r un o'r grwpiau mwyaf llwyddiannus a phoblogaidd a sefydlwyd yng Nghymru erioed ac maent yn dal i swyno eu gwrandawyr.

Yn cyfeilio i'r grwp mae Annette Bryn Parri sydd yn athrylith ar y piano. Mae Eleri Owen Edwards yn wreiddiol o Langernyw and wedi ymgartrefu yn Llanymddyfri erbyn hyn ac yn briod ag Aled Edwards.

Daeth i'r brig yn yr Eisteddfod Genedlaethol yn yr unawd ar 9 achlysur a bu'n fuddugol mewn tair cystadleuaeth yn Eisteddfod Pantyfedwen ychydig flynyddoedd yn ô1.

Mae yna alw mawr am ei gwasanaeth. Merch ifanc amryddawn a thalentog iawn yw Elen Morgan, cyn ddisgybl yn Ysgol Dyffryn Teifi ac sydd ar ei blwyddyn gyntaf yn astudio yn adran Theatr, Cerdd a'r Cyfiyngau yng Ngholeg y Drindod.

Daeth i'r brig mewn nifer helaeth o gystadlaethau llefaru yn ein Gwyliau Cenedlaethol a bu'n deyrngar iawn i Eisteddfod Pantyfedwen ar hyd y blynyddoedd gan ennill nifer o wobrau.

Felly mae yna arlwy arbennig yn eich haros. Llywydd y noson yw Delor James sydd â chysylltiad teuluool agos â Rosalind a Myrddin. Dewch yn llu i fwynhau noson o ddiwylliant Gymraeg ar ei orau. Croeso cynnes i bawb.