|
Ganwyd Tony ym Mangor ond pan oedd yn saith ar hugain oed gadawodd i weithio yn Swydd Essex. Fe redodd mewn 35 o rasus Marathon, rhai dramor a sawl un arall yn Llundain. Ni fedrodd redeg yn ras 1989 oherwydd bod ganddo dyfiant ar yr ymennydd. Cafodd lawdriniaeth lwyddiannus. Canfyddodd bod yn rhaid iddo gymryd mwy o amser i redeg ond daliodd ati ac ymdrechodd yn ddewr. Rhedodd Farathon Llundain eleni mewn 3 awr 28 munud. Mae'n hyfforddwr i Glwb Green Trotters yn Brentwood, Essex a hwy a roddodd ei enw ymlaen fel gwerthfawrogiad o'r modd mwyaf gwrol yr ymdrechodd i gasglu dros £70,000 i elusennau. Roedd ar ben ei ddigon pan dderbyniodd lythyr yn dweud iddo gael ei ddewis. Gwahoddwyd ef i gyfarfod a Ken Livingstone, Maer Llundain ac eisteddodd wrth ochr Frank Bruno. Mae gan Tony ddau frawd a dwy chwaer yn byw ym Mangor, y ddwy chwaer yw Angela Hadgett a Julie Detlre a'r brodyr yw Mansle K. a Jonathan Liggins, ac maent oll, ynghyd â'i rieni, mor falch ohono. Rydym ninnau'n ei longyfarch yn wresog ac yn dymuno'r gorau iddo.
 |
Ìý
