91Èȱ¬

Roedd unoliaith yn eu gwrthwynebiad i'r ugain diwrnod a chael rhyddhau y rhwystrau sydd ar y diwydiant, ond mae brwydr eto o'n blaen i ofalu na chaiff y Llywodraeth roi rheolau gwirion a diangen ar ein marchnadoedd da byw. Brwydr arall i'r holl fudiadau uchod sefyll gyda'i gilydd i ofalu y gall ein Marchnadoedd lwyddo heb reolau diangen.

Un o'r newidiadau mwyaf ers blynyddoedd sydd yn wynebu'r diwydiant yw cynigion o Ewrop i newid y modd mae amaethwyr yn cael eu talu. Mae'r cynigion yn symud y taliadau oddi wrth yr anifeiliaid i daliadau ar y tir, mae hyn yn newid sylfaenol i beth mae'r diwydiant wedi arfer ac fe fydd llawer o drafod a phendroni cyn y cawn weld y cynllun llawn. Bu i NFU Cymru drefnu cyfarfodydd i drin a thrafod y cynllun yma a da oedd gweld Cymro Cymraeg sef Damien Phillips, Cyfarwyddwr Swyddfa NFU Cymru ym Mrwsel yn amlinellu y cynigion ac fe ddylem fel ffermwyr yng Nghymru fod yn falch fod gennym Swyddfa a chynrychiolaeth gref fel hyn yn Ewrop ac fe fydd ei wybodaeth a'i gynrychiolaeth o fudd i holl ffermwyr Cymru yn y trafodaethau sydd i fod.

Mae'n edrych yn debyg fod yna ail feddwl ynglyn â rhoi tagiau unigol mewn defaid, roedd y cynllun yn un gwallgo i ddweud y lleiaf, yn enwedig pan fod wyn yn cael eu lladd mae'r pen yn cael ei dorri i ffwrdd ac felly nid yw y lladd-dai yn gwybod o lle mae'r wyn yn dod na wyn pwy oeddynt.

Fe fu i Gymdeithas Porwyr y Mignaint gael y maen i'r wal gyda'r Cyngor Cefn Gwlad ynglyn â'r Mignaint, buddugoliaeth am eu dyfal barhad a dygnwch.

Elfed Williams