91Èȱ¬

Yn y llun (rhes flaen) Ruth Brown, rheolwr Co-op y rhos, ac yn y rhes gefn, mae Llinos Davies, ei dirprwy.

Cychwynnodd y daith Ddydd Llun, Medi 19 o Caldicot a gorffen yn nhref Ceintun (Kington); yna, ddydd Mawrth, Medi 20, o Geintun i Ellesmere, a dydd Mercher, Medi 21, o Ellesmere i Ewlo, gan alw yn siopau'r Co-op yn Y Waun, Rhos, Cross-lanes, Brychtyn, Bwcle cyn cyrraedd pen y daith yn Ewlo.

Roedd pob Co-op wedi bod wrthi'n casglu arian i noddi'r daith ac roedd aelodau Co-op y Rhos wedi bod yn casglu yn y siop ac wedi trefnu stondinau y tu allan i'r siop i godi mwy o arian.

Roedd dros £200 wedi'i gasglu i'w roi i drefnwyr y daith - Ailsda Logan (swyddog busnes y Co-op) a Luigi Ciaburri.

Roedd Rheolwr y Rhanbarth, Thomas Jamieson, wedi ymuno â Rheolwr Co-op y Rhos, Ruth Brown a'i Dirprwy, Llinos Davies, i groesawu'r seiclwyr.

Roedd y daith drwy Gymru a'r Gororau yn rhan o daith fwy a oedd yn cael ei chynnal ledled gwledydd Prydain, gan ddechrau o Ynysoedd Shetland yn yr Alban a gorffen ar Ynysoedd Sili.

Bydd arian Taith Miliwn o Blant Shelter yn cael ei wario ar symud plant allan o dai gwarthus a chynnig gwell cartrefi iddyn nhw.

Mae Rheolwr a staff Co-op y Rhos yn dymuno diolch i bawb a gyfrannodd at yr achos da hwn.