|
"Mae Gwen yn farchogwraig ddawnus lawn ac wedi ennill llond gwlad o rubanau a thlysau am neidio, 'eventing' traws gwlad a hefyd dressage.
Ar ddechrau Awst bu mewn treialon gwladol yn Stonleigh ac enillodd nifer o wobrau gan ddod yn bymthegfed allan o ddosbarth o dros gant, ac yn unfed ar ddeg mewn dosbarth arall.
Yn Sioe Bishop's Castle enillodd nifer o wobrau cyntaf am neidio gan gynnwys 1af am neidio 2'6" yn glir, 1af am neidio 3' `Midland Intermediate horse championship qualifier'.
Mae'n mynd yn aml i Highgrove House yn Craven Arms ac yn llwyddo i gipio niferoedd o rubanau. Mae ganddi ddau geffyl a Paddy ydy enw'r ddau, rydym yn eu hadnabod fel Paddy `The Katapult' a Paddy Clegyrnant sydd yn geflyl du 14 llaw.
Mae'n llwyddo hefyd mewn meysydd eraill. Enillodd Gala nofio Ysgolion Powys, a Gala nofio Maldwyn. Cyn bo hir bydd yn cynrychioli Powys yng Ngala Nofio Genedlaethol yr Urdd yng Nghaerdydd. Ar ben hyn i gyd, mae' n chwarae cornet ym Mand Gogledd Powys. Mae'n ddisgybl Blwyddyn 11 yn Ysgol Llanidloes ac yn mwynhau arlunio a chelf."
 |
Ìý
