91Èȱ¬

Roedd Roberts yn ddisgybl yn Ysgol Gyfun Cwmtawe, cyn astudio Ieithoedd Modern a Chanoloesol (gan gynnwys y Gymraeg) yng Ngholeg Emmanuel, Caergrawnt.

Mae'r llyfr yn arolwg o dafodiaith Saesneg y cymoedd. Y prif ddylanwad arni, wrth gwrs, yw'r Gymraeg - o ran geirfa a chystrawen. Ysgrifennwyd gyda'r darllenwr cyfredinol mewn golwg. Mae'r llyfr mewn 4 rhan.

Yn gyntaf ceir hanes cryno o ddatblygiad ieithyddol yn y cymoedd. Yn ail mae enghreifftiau o ddeialogau a thestunau. Yna ceir rhyw 1800 o eiriau a thermau ac yn olaf ceir gramadeg Wenglish gydag ymarferion.

Roedd dwy brif ysbrydoliaeth i'r llyfr: gwaith Arthur Baur ar Almaeneg y Swistir (mae'n cyflwyno'r dafodiaith i gynulleidfa Almaeneg-ei-hiaith fel iaith annibynnol), a gwaith arloesol John Edwards ('Talk Tidy') yn yr 80au.

Ers lansiad y llyfr, bu cryn ddiddordeb yn y cyfryngau - 'Wedi Saith', Radio Wales gyda Roy Noble, cyfweliad gyda Hywel Gwynfryn a Nia, 2 dudalen yn yr Echo, tudalen o review yn The Big Issue, a 2 hanner tudalen yn Golwg.

Mae Robert wrthi ar hyn o bryd yn gwneud ymchwil bellach mewn fframwaith PhD ym Mhrifysgol Morgannwg ar 'Wenglish fel cyfrwng ar gyfer ymadrodd a pherfformio'.

Mae'n gobeithio dangos yn eglur y rôl bwysig sy gan Wenglish yn y broses o greu hunaniaeth gymunedol, ac hefyd rhoi canllawiau at ei gilydd ar gyfer ysgrifennu creadigol newydd a pherfformiadau.