Main content
Bonn Airgid do Shrath Pheofhair
Bhuannaich fear-baidhsagal à Srath Pheofhair bonn airgid anns an C3 3000 meatar aig na Geamaichean Paralimpigeach ann an Tokyo.
Fhuair Fin Greumach, 21, dhan chuairt dheireannaich an dèidh dha clàr na cruinne a bhriseadh san iar-chuairt dheireannaich.
Rinn e a' chùis an sin ann an 3:19.780 diog.
B' e Breatannach eile, Jaco Van Gass, a fhuair am bonn òir, an dèidh dhàsan an clàr aig a' Ghreumach a bhriseadh san iar-chuairt dheireannaich, 's e fhèin a' tighinn thar na loidhne ann an 3:17.593 diog.
Tha dùil aig a' Ghreumach a bhith a' farpais anns an C3 Deuchainn Ùine Dimàirt, agus an C1-3 Rèis Rathaid Diardaoin seo tighinn.
