91Èȱ¬

Pobl sy'n diddori Rebecca Jones o Gefn Bryn Brain yng Nghwmtawe - eu straeon, eu hanes, eu syniadau a'u sefyllfaoedd amrywiol. Does dim rhyfedd felly ei bod wrth ei bodd yn newyddiadura a'i bod yn edrych ymlaen yn arbennig at ei her ddiweddaraf o gyflwyno rhaglen gynta'r diwrnod ar donfeddi 91Èȱ¬ Radio Cymru o fore Llun i fore Gwener.

"Wy ffaelu aros i gael dechrau ar y gwaith," esbonia Rebecca sy'n 33 oed. "Mae e'n gam i gyfeiriad tamed bach yn wahanol ond fi'n edrych mlân at y sialens."

A hithau wedi bod yn newyddiadurwraig gyda 91Èȱ¬ Cymru ers dros wyth mlynedd bellach, bydd ei llais a'i wyneb yn gyfarwydd i lawer. Mae wedi cyflwyno straeon a thrafod pynciau'r dydd ar y Post Cyntaf, Post Prynhawn a Taro'r Post a chyn ymuno â thîm newyddion y 91Èȱ¬ bu'n cyflwyno ar raglen Heno.

Mae Siân Gwynedd, Golygydd 91Èȱ¬ Radio Cymru yn edrych ymlaen at groesawi Rebecca i'r tîm cyflwyno boreol.

"Bydd Rebecca'n gaffaeliad i'r gwasanaeth. Mae'n ddarlledwraig brofiadol ar radio a theledu ac yn amlwg wrth ei bodd yn sgwrsio gyda phobl. Mae hi'n bersonoliaeth arbennig a dwi'n siwr y bydd hi'n gwmni difyr i'n gwrandawyr ben bore."

Cyn hir bydd Rebecca yn trafod cynnwys y papurau dyddiol gyda'r cyfranwyr cyson, yn sgwrsio gyda'i gwesteion yn y stiwdio ac yn rhoi gwrandawyr Radio Cymru ar ben ffordd ar ddechrau'r diwrnod. Bydd yr oriau gwaith newid yn golygu ffordd o fyw newydd i Rebecca.

"Dwi fel arfer yn gwneud tai-chi ar ôl codi gan fod hwnnw'n help i gadw'r corff yn iach a thawelu'r meddwl. Ond dwi'n amau a fydd amser i wneud hynna cyn cychwyn ar fy shifftiau," dywed gan chwerthin.

"Mae cloc larwm newydd 'da fi yn barod ar gyfer y boreau cynnar," ychwanega.

Gyda'i diwrnod gwaith yn dechrau am 4 y bore efallai bydd angen mwy nag un cloc larwm arni i sicrhau ei bod hi'n cyrraedd y stiwdio yng Nghaerdydd mewn da bryd!

Dydd Llun - Dydd Gwener, 91Èȱ¬ Radio Cymru, 5am