91�ȱ�

Roedd y cynnydd mewn diweithdra yn golygu bod y Llywodraeth yn wynebu gwariant sylweddol uwch ar fudd-daliadau. Yn 1931:

• codwyd y dreth incwm
• torrwyd 10 y cant ar dâl diweithdra, sef arian dôl
• cyflwynwyd y Prawf Modd

Roedd y mesurau hyn yn lleihau’r arian yr oedd gan bobl i’w wario ac roedd hynny’n gwaethygu’r Dirwasgiad.

Dyluniwyd Deddf Tollau 1932 er mwyn diogelu diwydiant Prydain. Bwriad codi tariffau oedd helpu diwydiannau Prydain oherwydd bydden nhw’n golygu y byddai nwyddau o’r tu allan i’r DU yn ddrytach, ac felly yn ddelfrydol byddai pobl a chwmnïau ond yn prynu nwyddau o’r DU.

Ond effaith y ddeddf oedd lleihau swm y masnachu rhyngwladol, ac roedd hynny wedi gwaethygu’r Dirwasgiad.