The Farmers Market
Posted: Sunday, 16 September 2007 |
11 comments |
Sanday had a Farmers Market today (Sunna`s day) so your truly and himself, wi` Mr and Mrs Sanday Housewife and the lovely lassie frae the vegetarian restaraunt a` piled in oor cars and went on up tae the school tae see what wis what.
On the stage they had a fiddle club concert in fine fettle and fu` swing, grand tae hear, it was...
And in the hall were a` manner o` stalls set up, wi` fine prime cuts o` meat that made the mooth fairly water wi` imagining the recipes ye could employ for them, wi` bright fresh vegetables, looking as they werenae half an oor oot o` the gairdens, wi` a` manner o` second hand goods and bric a brac, oh, a fine rummage yours truly had.
Mind you, me favourite stall o` the lot had tae be the lovely couple selling the maist fabulous scented candles!
Ye should hae seen me and Mrs Sanday Housewife! Drooling ower them we were....how dae they get candles tae smell like strawberries, or lilac or jasmine?! We just could hae stood there a` day just smelling the stall, but think we micht hae drawn a peedie bit attention if we had done that....
how and ever, we baith loaded up wi` bonny scented candles, proper girly shopping that was, added tae the fine meat and vegetables (locally produced and grown and ye`ll no` find fresher or fairer ony whar) we`d a grand day oot.
So we cam hame, expecting tae be able tae get the bows oot...wi` a` the rain we hae had ower the past wee while, we`ve no` been able tae shoot and yours truly is haein withdrawal symptoms...*sniffle*...
and o` course, wid ye ken it...it started tae chuck it doon...somebody up thar doesnae like me....*glares upward*
Mind you, haein indulged in a wee drop o` the guid stuff the nicht afore at oor local hostelry, the Belsair, again, mebbe it was a guid job I couldnae shoot...the car micht no` hae survived.....
Oor peedie clutch o` this years chickens, noo almost grown birds, hae developed the habit o` perching on the window sill. Doesnae matter how often we shift the wee bug..erm...beasties...they will chust come back roond again and sit there, looking in, trying to look pathetic and like we dinnae ever feed them!
Which we dae, of course! Fine wee fat things they are indeed.
But they also noo` hae taken tae attacking ony visitors that get too close tae them. Mrs Sanday Housewife, trying tae escape back tae her car, tried tae lift one o` them safely oot o` the way after it had tried tae peck her shoelaces off...and the divil pecked her hand!
So ony solutions tae how tae discourage the hens frae window sitting gratefully received thanking you in anticipation.
Short o` cruelty o` course, or indeed eating them, for I want mair hens off them next year....
oh, afore I forget...tae the candle sellers, chust drop up onytime when the winds arenae howling for an archery lesson. I`m no` a` that bad, honest! :-D
Posted on Hermit Life at 19:06
Comments
I wish I had chickens. I need to build my house first. one step at a time.
Donna from Shetland: Finally 91热爆
A stuffed cat, or two, on the window sill should do the trick. The alternative is a set of rotating spikes: a day in the Sanday sun and voila - roasted fowl. It's not cruelty if the critters insist on committing suicide.
mjc from NM, USA
Dash it Hermit, that's not fair...I was going to suggest the gustatory option...
Flying Cat from dribblingalloverthejoint
Try sticking carrier bags to the window sills - it frightens pigeons so it might work on hens!
alix from west midlands
That seems to me a much preferable option.
Flying Cat from giving mjc a bit of a hard stare
It must be an Orkney thing our chickens do the same thing only they sit on the sill outside the kitchen whilst we are eating and constantly peck on the window, The only deterrant seems to be to let the dog out to frighten them off but this seems to halt the egg laying :)
Barebraes from Shapinsay
I would have thought that a bark from Hooch would have speeded up the egg laying ... (you should get Rhode Island Reds, Barebraes. When they get disturbed, pronto, they lay double yolk eggs ...)
mjc from NM, USA
I've always said the Orknies breed MAD animals. Sheep that give you the eye and Attack Chickens,,,,
GerCelt from Dublin, Ireland
There's NO SUCH THING as 'the Orknies' (sic). It's Orkney. Or perhaps The Orkney Islands at a pinch.
Flying Cat from Liffey, The Universe and Everything.
Oh picky, picky. Don't pay any attention, GerCelt: I have suffered the same abuse before, repeatedly. # But, tell me, when you said the Orknies (sic) are notorious for breeding mad animals, what/who exactly did you have in mind?Would you extend your geographical area to cover the Shetlands (ooops! the Shetland Islands)?
mjc from NM, USA
The coos are mad here. I once got chased through a barbed wire fence by a whole herd o them! Trust me, I went THROUGH the fence. Left behind a body warmer on it that took three years to disappear and all....
Hermit from Sanday
This blog is now closed and we are no longer accepting new posts.
RSS Feed