91热爆

For the past three days we`ve been stripping in the bedroom. Wallpaper stripping that is! We`re repainting it as some o` oor visitors will be using the room whilst they`re here. I wouldnae mind, but we didnae have three or four layers o` paper on the wa` like they used tae have in the auld days. Nope. This was one measly layer. But thon paper was thon thick, embossed kind that must have been put on wi` superglue, no` paste!
So there I was, up a stepladder (and still no` able tae reach the top o` the wa`s, being a five foot ruddy dwarf!!) scoring the paper wi` the stripper, then soaking it wi` hot soapy water, then doon tae the stripping. And does it come off wi` ease? Och no`, no` at a`. It comes off in tiny wee inch long bits, sticky wee pieces that get a` ower the floor and stick tae the bottom o` your shoes so that ye cart the stuff a` throughoot the hoose!

I have just seen, on the news, a village in County Durham where the men ootnumber the women ten tae one!! Noo I am wondering, what happened tae a` the women then? Hmmmm....is something shifty afoot in the County Durham village.....?

The room for the medieval feast is a` but finished noo...a` I need tae dae is clean up the flagstanes and dress the room itself.

Oh, and noo on the news is the story o` Dr Christine Bradshaw wha` helped on the lifeboat rescue in the Pentland Firth. A brave woman, thon....speaking as somebody wha` gets seasick on a puddle.....

The wee sparra in the byre is doing fine, though the mandarin that was a merganser continues tae moult, he is a` drab and broon looking noo, wi` only one bright orange wing feather left! Maybe he is preparing tae grow fancier plumage yet, in order tae attract lady mandarins in the near future? They fellas in thon County Durham village could take note......;-)
Some o` oor ducks that hatched their broods in various places along the track and doon by the pond have been up at the hoose wi` the bairns, looking for grain and acquainting the young ones wi` the etiquette o` the duck/chicken/goose mob. I think we noo have aroond forty odd ducks, though how many o` the wee ones will mak it I dinnae ken, we usually lose at least some tae gulls, crows and the weather.

Och weel, back tae work, sheepskins first then bedroom stripping! Only one mair wa` tae dae, and I will be right glad when it`s done and finished! I`ll never put up wa` paper again, never! I dinnae care what fancy patterns they show me, I will steadfastly resist the lure o` the paper. It`s paint and paint alone from noo on, for me. It`ll likely tak me weeks tae get the peedier bits o` paper oot the carpet. Aye, I ken...I should have put doon dust sheets or newspaper......