91热爆

Trydargerdd: Datganiad annisgwyl neu annhebygol ar faes yr Eisteddfod

Ar werth, The Guardian, prynwch!
Steddfod Môn sy drwyddo’n drwch.

Eurig Salisbury - 8.5 pwynt.

Dw i ddim yn un fel rheol
am ddynion moel â sbectol
ond mewn gwisg werdd mae g诺yr mewn oed
fel coed, yn eithaf rhywiol.

Gwennan Evans - 9 pwynt.

Cwpled caeth ar yr odl ‘og’

Mae’r hen dannau undonog
Ar gangau’n parhau ynghrog.

Eurig Salisbury - 9.5 pwynt.

Cynllun Datblygu Lleol yr Adar
‘Be’ well na chodi’n bwyllog
ryw gant o nythod i’r gog?’

Ll欧r Gwyn Lewis - 9.5 pwynt.

Limrig: ‘Pe glaniwn ar ynys bellennig’

‘Pe glaniwn ar ynys bellennig,’
Medd cyfaill o Fangor, boi peryg,
‘’Sa gen i’m Wi-Fi
Na social life, aye,
Sef pam fod y Fenai mor bwysig.’

Osian Rhys Jones - 8.5 pwynt.

Pe glaniwn ar ynys bellennig
yn llawn pobol Jyrman a Ffrengig,
dau Bwyliad, Slovene,
a thri Latfian blin,
swn i’n cîn i aros, nid denig.

Ll欧r Gwyn Lewis - 8 pwynt.

Hir-a-thoddaid: ‘Ni wnawn ei gyrraedd, ond gwnawn ein gorau’

Ni waeth pa nod, mi wneith y penawdau …

Ni wnawn ei gyrraedd, ond gwnawn ein gorau …

Po ucha’r nod, ei osod sy’i eisiau …

Ond ni ddeallwn.

Nid â hen ddulliau y pery’r iaith.

Os parhau, rhown ymaith ein stôr diobaith o ystrydebau.

Eurig Salisbury - 10 pwynt.

Ni wnawn ei gyrraedd, ond gwnawn ein gorau
i beidio poeni, er bod y pynnau
yn drymach bellach, a’r lôn yn byllau
o dan ein traed, a gwaed yn ein ’sgidiau.
Fe ddown i ben, rhwng gwenau – a chrio.
A ninnau’n blino, awn yn ein blaenau.

Gruffudd Owen - 10 pwynt.

Triban beddargraff meddyg coed

Na rowch ryw feddfaen segur
I nodi maint ei lafur –
Mae’r deyrnged orau uwch ei lwch
Yn drwch o ddail a blagur.

Hywel Griffiths - 8.5 pwynt.

Meddygon coed a seiri
a lenwai’i goeden deulu.
Pan gwympodd lawr o’r dail un pnawn,
’se meddyg iawn fwy handi!

Gwennan Evans - 8.5 pwynt.

Cân ysgafn: Codiad Cyflog

Rwy’n hunangyflogedig, fel y soniais i o’r blaen,
Ond nid oes ar fy nghyfrif banc ryw lawer iawn o raen.

Rhy ddrud yw petrol imi, ac ni allaf fforddio beic,
Felly, a minnau yn sosialydd, roedd yn bryd imi fynd ar streic.

Jiw, dyna braf oedd streicio yr wythnos ddi-feistr honno,
Cael cysgu’n hwyr bob bore, a chael brecwast ar ôl cinio,

Treulio’r prynhawniau wedyn yn creu placardiau hardd
(Roedd rhai o’r sloganau’n odli, gan fy mod i’n getyn bardd.)

Sefyll wedyn wrth gât y t欧 i’r ceir gael canu’u cyrn,
A minnau’n chwifio placard gan lafarganu’n chwyrn:

‘Beth ydw i mo’yn? Codiad! Yn fy nghyflog, hynny yw.
Pryd ydw i mo’yn e? Yn ddelfrydol, cyn bod rhent mis Medi yn due.’

Mynnais gyfarfod swyddogol rhyngof innau a’r bos, sef fi,
A minnau yno i fy nghynrychioli fy hun o Undeb y VVV.

Cytunon ni’n tri’n unfrydol ar safon uchel fy ngwaith,
A fi oedd Cyflogai Gorau’r Mis bob mis, roedd hynny’n ffaith.

Ond annilys oedd amodau’r streicio, yn ôl fy nhipyn cytundeb,
Doedd dim i’w wneud, yn ôl y bos, a chytuno wnaeth fy undeb.

Felly ymddiswyddais o’m swydd yn swyddogol, cyn imi fy niswyddo fy hun,
Ond na phoener – mae gen i hunangyfweliad am fy swydd fy hun fore Llun.

Iwan Rhys - 9 pwynt.

A glywsoch chi am helynt gender pay y 91热爆?
Mae’n wir bob gair! Fe rannaf y dystiolaeth gyda chi.

Dwynwen annwyl sydd yn beicio i bob Talwrn hyd y lle,
yn ei lycra, ym mhob tywydd, nôl a mlaen o’r gogs i’r de.

Tra bod Ceri Wyn yn cruisio mynd mewn Maserati crand,
a’i droed i lawr mae’n morio i gyfeiliant Bryn a’r band.

A sylwoch chi ar steil y Glêr? ‘Nenwedig Iwan Rhys?
Mae ganddo bâr o Jimmy Choos i fatsio bob un crys.

Ond Mererid Hopwood, druan bach, sy’n treulio oriau maith
yn cribo silffoedd Oxfam am sandalau twt maint saith.

Tudur Dylan sy’n llymeitian yn holl gaffis crand y stryd,
synfyfyrio uwch ei Apple Mac gan sipian coffi drud.

Ond ar gefn ei llaw mae Mari George yn sgwennu – dyna strach!
(Sydd hefyd yn esbonio pam bod ganddi gerddi bach).

At Nicky Clarke aiff Eurig am ei hercan - dyna’r si…
tra mod i’n rhoi trim i Gwennan a hithau drim i mi.

Mewn undod felly, codwn lais, ti’n gwrando Tony Hall?
Rho i ni ferched fwy o bres neu sgwennwn ni sod all.

Casia Wiliam - 9 pwynt.

Ateb llinell ar y pryd:

Rhaid gweld wrth ymweld â Môn.

Yr 糯yl sy'n llawn gorwelion.

Y Glêr - 0.5 pwynt.

Rhaid gweld wrth ymweld â Môn.

O hirfaith decwch Arfon.

Y Ffoaduriaid - 0.5 pwynt.

Hwiangerdd

A weli di geiniogau’r sêr
yn syrthio’n flêr i’r gwely?
Fe ddaw y tylwyth teg i’w dal,
a’u gofal i’th dawelu.

Mae’n syndod fod y nen mor fawr,
fel oriawr yn ein cylchu,
a neb ond ti a fi fan hyn
ac ennyd gwyn i’w rannu.

’Dan ni mor fach, yn troi a throi,
a’r lloer yn ffoi a newid;
ond heno, ymlonydda di,
fy mabi, yn dy gwrlid.

Fe weli di wynebau clên
yn sgleinio’u gwên pan gysgi;
cofia mai breuddwydion pêr
ceiniogau’r sêr yw’r rheini.

Osian Rhys Jones - 10 pwynt.

(I’r mab yn y groth ar noson stormus.)

Hidia di befo’r hen storom, er ei bod hi’n fygwth i gyd,
cei ddigon o ddyrnu a chicio pan fentri di allan i’r byd.

Hidia di befo’r hen storom, ‘na i esgus nad ydw i ofn,
er bod crafangau bwystfilod yn rheibio fy nghalon ddofn.

Hidia di befo’r hen storom, mi swatiwn i’n gilydd ein tri,
er mod i’n amau y doi di i edliw’n pechodau ni.

Hidia di befo’r hen storom, mi wn dy fod eisoes yn gaeth
i llwyni llus a llygaid llaith,
a gwaed Crist fel cysgod craith
ar ryw hen h诺r o hanner iaith
a’th frawd am ddwyn dy siaced fraith
gan hwrjio siwt ac oes o waith
ac yn y man yr huno maith
ac y daw i’th ran cyn diwedd y daith stormydd llawer gwaeth.

Ond hidia di befo’r hen storom, hidia di befo nhw’i gyd.

Gruffudd Owen - 10 pwynt.

Englyn: Grym

 phob glawiad, fur cadarn – y dirwyn
Dyfrdwy oer a’i chollfarn
Bob t诺r i’r d诺r; fesul darn
Y golch hi dy gylch haearn.

Hywel Griffiths - 10 pwynt.

Mewn gwlad mor anweladwy – ei hanes
mi fynnwn ni fodrwy
ufudd i’n clymu fwyfwy
i ormes eu hanes hwy.

Gruffudd Owen - 9.5 pwynt.

Enillwyr: Y Glêr.