|  |
Llywydd cystadleuol yr Urdd
 Mae'r Urdd yn fwy na chystadlu yn 么l llywydd newydd y mudiad - merch a wnaeth enw iddi ei hun fel cystadleuydd llwyddiannus.
"Er cyn bwysiced i mi fu cystadlu dros y blynyddoedd bu'r Urdd yn llawer mwy na hynny - yng ngweithgareddau'r Urdd cefais fyrdd o hwyl a ffrindiau oes," meddai Andrea Parry o'r Bala sy'n athrawes addysg gorfforol a'r Gymraeg yn Ysgol Dyffryn Conwy.
Mae Andrea yn aelod o'r Urdd ers dyddiau ysgol ac wedyn gydag Aelwyd Llangwm.
"Dwi'n ddyledus iawn i'r Urdd am roi cyfleoedd i mi ddatblygu hyder yn gyhoeddus. Dwi'n amau a faswn i'n athrawes heddiw oni bai am y cyfleoedd mae'r Urdd wedi'u rhoi i mi. Rwyf hefyd yn ymwybodol o bwysigrwydd cyfraniad yr holl hyfforddwyr ac arweinyddion sydd wedi rhoi o'u hamser a'u harbenigedd i do o bobl ifanc dros y blynyddoedd."
Ysgoloriaeth Bryn Terfel
Bu Andrea yn fuddugol ar y gystadleuaeth Llefaru 19 - 25 oed yn Eisteddfod yr Urdd Llanbedr Pont Steffan 1999.
"Galluogodd hyn i mi gystadlu am Ysgoloriaeth Bryn Terfel - profiad bythgofiadwy!" meddai. "Cefais y fraint o fod yn Feistres y Ddefod yn Seremoni'r Coroni yn Eisteddfod Genedlaethol Urdd Gobaith Cymru 2000," ychwanegodd.
Bu'n cystadlu llawer yn yr adran Lenyddiaeth hefyd gan ddod yn drydydd am y Fedal Lenyddiaeth yn Eisteddfod Bro Conwy 2000.
Hi ddewiswyd yn Gyfieithydd y Flwyddyn yn yr un eisteddfod hefyd a bu'n aelod o gorau, part茂on a dram芒u Aelwyd Llangwm yn ogystal 芒 chorau a phart茂on Ysgol y Berwyn, Y Bala, gan brofi sawl buddugoliaeth.
Ym m么n eleni mae'n awr yn un o'r beirniad llefaru, ail-iaith.
Talwrn y beirdd
Ar y radio mae'n aelod o d卯m Talwrn y Beirdd gyda'r Prifardd Elwyn Edwards wedi dysgu'r gynghanedd iddi.
Enillodd saith cadair gan gynnwys cadair Eisteddfod y Wladfa, Patagonia, yn 2002 a chadair Eisteddfod Ffermwyr Ieuainc Cymru 2001.
Eleni enillodd goron Eisteddfod Teulu James, Llanbedr Pont Steffan ac yn Eisteddfod Genedlaethol Meifod bu'n fuddugol gyda stori fer.
O ran chwaraeon bu'n cystadlu ar yn chwaraeon yr Urdd yn y gornestau pŵl, hoci a ph锚l-rwyd gan ddod yn gyntaf yn genedlaethol yn 1996 efo dartiau!
Mae'n gyn-gadeiryddes ac ysgrifenyddes chwaraeon yr Aelwyd ac wedi rhedeg dwy hanner marathon i godi arian at achosion da a bellach mae'n chwarae rygbi i'r Bala, chwarae badminton, p锚l-droed a ph锚l-rwyd yn ei hamser sb芒r!
Dros 170 o aelodau
Yn Ysgol Dyffryn Conwy, mae'n drefnydd yr Urdd gyda thros 170 o aelodau trwy'r ysgol ac yn 2002 yr ysgol hon fu'n gyfrifol am lunio Neges Heddwch ac Ewyllys Da yr Urdd a bu ym hithau ym Mrwsel efo pedwar o ddisgyblion i gyflwyno'r neges i Aelodau Seneddol Ewropeaidd yno.
Ymysg ei diddordebau eraill mae cadw diadell o ddefaid, teithio, llenydda, chymdeithasu ac mae'n aelod o Gwmni Theatr Maldwyn.
|
|
|
