Aths air Lìog Leòdhais is na Hearadh a bhuannachadh

Tha Athletic Steòrnabhaigh air Lìog Leòdhais is na Hearadh a bhuannachadh.

Bha an sgioba air a bhith cianail faisg air an tiotal a dhearbhadh oidhche Haoine, ach dh'fhàg tadhal anmoch bhon Rubha gun robh aca ri feitheamh.

Rinn iad an gnothach ann an stoidhle oidhche Luain ge-tà le pronnadh 6-0 a thoirt air na Lochan.

Thàinig trì de na tadhail bho Jude Glover le Harry Bray, Luke Moireasdan is Friseal MacLeòid cuideachd air an targaid.

Leum thairis air Twitter teachdaireachd
Cead do stuth Twitter?

Tha stuth Twitter an cois an artaigil seo. Tha sinn a’ sireadh cead bhuat mus tèid sìon luchdachadh, oir dh’fhaodadh iad ‘briosgaidean’ agus teicneòlas eile a chur an sàs. ‘S dòcha gum biodh tu airson a leughadh agus mus tèid thu air adhart. Airson sùil a thoirt air an stuth seo, tagh 'Gabh ris agus lean ort'.

Chan eil am 91Èȱ¬ an urra ri na tha air Làraichean-lìn air an taobh a-muigh.

Deireadh Twitter teachdaireachd

Tha seusan air leth air a bhith aig sgioba Steòrnabhaigh is iad air dìreach aona gheama a chall san lìog.

'S e seo a' chiad turas a tha iad air an tiotal a bhuannachadh ann an dusan bliadhna.

San dà gheama eile oidhche Luain rinn an Taobh Siar an gnothach 5-1 air United agus shoirbhich am Bac 5-3 an aghaidh na Hearadh.