91�ȱ�

Dh'ainmich Comann na Camanachd gur e Ruairidh Dòmhnallach, 35, bho sgioba Chaol Bhòid, a bhios na chaiptean air an sguad a bhios aig Alba airson a' gheama eadar-nàiseanta ann an Èirinn Disathairne an 21mh den Dàmhair.

Thèid fir na h-Alba an aghaidh nan Èireannach aig Pàirc Esler ann am Baile an Iùir.

Chan eil an geama air a bhith ann bho 2019 nuair a bhuannaich Alba ann am Baile Átha Cliath.

Bhuannaich Ruairidh Dòmhnallach Cupa na Camanachd, trì Cupannan MhicAmhlaigh agus seachd Cupannan Comann Oiseanach Ghlaschu.

Tha e air nochdadh dhan sgioba nàiseanta 14 tursan ach 's e geama Disathairne a' chiad fhear aige mar sgiobair.

Am measg an fheadhainn eile san sguad aig manaidsear na h-Alba, Garry Reid, tha am fear a chuir an tadhal a bhuannaich Cupa na Camanachd do Cheann a' Ghiùthsaich, Ruairidh MacAnndrais, is an sgiobair aca Seumas Falconer.

Tha an sguad mar a leanas:

Ruairidh Dòmhnallach - Caol Bhòid (Caiptean)

Stiùbhart Dòmhnallach - Lòbhat

Anndra King - Caol Bhòid

Steafan Dòmhnallach - Baile Ùr an t-Slèibh

Raibeart Mabon - Ceann a' Ghiùthsaich

Iain MacIllÌosa - Camanachd an Eilein Sgitheanach

Daniel Sloss - Camanachd an Òbain

Blair MacPhàrlain - Camanachd an Òbain

Danny Kelly - Lòbhat

Craig Ritchie - Baile Ùr an t-Slèibh

Donnchadh MacMhathain - Ceann Loch Seile

Daniel MacCuthais - Camanachd an Òbain

Blair Moireasdan - Cabar Fèidh

Craig Moireasdan - Cabar Fèidh

Fionnlagh MacRath - Ceann Loch Seile

Iain Robinson - Baile Ùr an t-Slèibh

Seumas Falconer - Ceann a' Ghiùthsaich

Caoimhin Bartlett - Cabar Fèidh

Scott Dòmhnallach - Caol Bhòid

Ruairidh MacAnndrais - Ceann a' Ghiùthsaich