91Èȱ¬

Chaidh an taghadh a dhèanamh airson Cupa na Camanachd 2024.

Bhuannaich Ceann a' Ghiùthsaich an cupa an-uiridh airson an 25mh turas agus iad a' dèanamh an gnothaich 1-0 air Camanachd an Òbain.

Am-bliadhna, tha sgioba Bhàideanach a' coinneachadh ri Caol-Gleann, Ceiltich an Òbain no Eilean Bhòid san dàrna cuairt den fharpais anns an Òg-mhìos.

Ann an geamannan sa chiad chuairt, tha Srath Ghlais a' cluiche na Manachainn, cluichidh Cill Mhàilidh An Gearasdan agus thèid Obar Dhobhair an aghaidh Inbhir Aora.

Thèid geamannan sa chiad chuairt a chluiche air an 27mh den Ghiblean.

Ann an taghadh san dàrna cuairt, thèid Camanachd an Òbain is Bail' Ùr an t-Slèibh an aghaidh a chèile, Lòbhat an aghaidh Chabar-Fèidh agus bidh Camanachd an Eilein Sgitheanaich a' cluiche Gleann Urchadain.

Thèid geamannan san dàrna cuairt a chluiche air an 4mh den Òg-mhìos.

Bidh cuairt dheireannach Chupa na Camanachd aig an Àird anns a' Ghearasdan air an 21mh den t-Sultain.