Ebostiwch
Ffoniwch: (00 44) 1248 374991
Sgrifennwch: Ar Dy Feic, Bryn Meirion, Bangor LL 57 2BY
Chwilio am bobol
Y bobol nid y lleoedd sy'n mynd a bryd Hywel Gwynfryn pan ywn teithio'r byd.
A chyda hynny mewn golwg mae Hywel yn chwilion awr am siaradwyr Cymraeg diddorol ar hyd a lled y byd i'w holi mewn ail gyfres o'r rhaglenni teledu Cymraeg difyr, Ar Dy Feic.
Yn ystod y gyfres gyntaf cyfarfu Hywel Gymry yng Ngwlad Groeg, Sbaen, Yr Eidal, Dubai ac, yn nes adref, Ogledd Iwerddon.
Yn awr mae'n gofyn am help darllenwyr 91热爆 Cymru'r Byd i ddod o hyd i siaradwyr Cymraeg eraill sy'n byw dramor er mwyn eu cyflwyno i wylwyr teledu yng Nghymru.
Anfonwch awgrymiadau - neu hyd yn oed gynnig eich hun!
Yn barod y mae Hywel yn ystyried ymweld â Kenya a'r Aifft ac nid yw'n gyfrinach mai gwlad y byddai'n gwirioni ymweld â hi a chyfarfod ei phobl yw Siapan.
Pobol nid tirlun
Ac yn y bobl y bydd ei ddiddordeb yn hytrach na golygfeydd godidog:
"Pan oeddwn i'n hogyn ifanc dwi'n cofio gweld ffilm Dirk Bogarde yn yr Arcadia, Llangefni, The Singer, not the Song. A dyna da ni eisiau'i wneud yn y gyfres yma, canolbwyntio ar y canwr, nid y gân - y bobol nid y wlad. Nid Wish you were here ond Why are you here?
 Ar un amrwyiaeth o bobol ag sy'n gwneud gwlad yn ddiddorol syn mynd i wneud rhaglenni yn ddifyr hefyd ac yn y gyfres gyntaf fe gafwyd yr amrywiaeth liwgar honno o bobl gyda gwaith a diddordebau mor wahanaol a gwerthu ffrwythau neu wneud astudiaeth hanesyddo - trin a magu ceffylau a ffotograffiaeth broffesiynol.
"Yn aml iawn gall yr hyn sy'n ymddangos yn gyffredin i'r sawl sy'n ei wneud bob dydd fod yn hynod o anghyffredin i rai y tu allan i'r maes neu sy'n byw yma yng Nghymru," meddai Mair Verrall, ymchwilydd y gyfres.
 "Felly, apelio yr ydym am i gynulleidfa 91热爆 Cymru'r Byd dynnu ein sylw at siaradwyr Cymraeg sy'n gwneud pethau braidd yn annisgwyl ar hyd a lled y byd - neu hyd yn oed gynnig eu hunain yn gwmni i Hywel pan fydd yn chwilio am wal i roi ei feic yn ei herbyn."
Sut i gysylltu
Gallwch ebostio Hywel a Mair yn syth o'r ddalen hon. Ebostiwch
Ffoniwch: (00 44) 1248 374991
Sgrifennwch: Ar Dy Feic, Bryn Meirion, Bangor LL 57 2BY .
Cyfarfod rhai or bobl a ymddangosodd ar gyfres gyntaf
|
