91Èȱ¬

Kerlow gipiodd y set gyntaf 7-4 cyn i'r Cymro daro'n ôl 9-2 yn yr ail set.

Roedd Weale 1-0 ar y blaen wedi'r pen cyntaf o'r datglwm, a roedd o fewn trwch blewyn i gipio'r aur gyda'i bêl agosaf at y jac cyn i Kerlow fowlio ei belen olaf o'r ail ben.

Ond cafwyd pelen anhygoel gan Kerlow wrth iddo ddod yn gyfartal 1-1 cyn selio'r fuddugoliaeth ar y trydydd pen.

Ac roedd arian i Betty Morgan o Gymru yn senglau'r merched hefyd wedi Zalina Ahmad o Malaysia, gipiodd yr aur ym Manceinion, amddiffyn ei choron.

> Arian i Weale a Morgan

MANYLION GEMAU'R GYMANWLAD

> Tabl y medalau

> Canlyniadau Gwener 24 Mawrth

ATHLETAU

Gorffennodd Tanni Grey Thompson yn bedwerydd yn 800m y gystadleuaeth EAD T54 ar y trac ym Maes Criced Melbourne.

Ond roedd yn noson emosiynol i gapten tîm Cymru wrth iddi gystadlu am y tro olaf yng nghrys coch Cymru a gorffennodd y ras yn ei dagrau.

Methodd James Thie â chyrraedd rownd derfynol y 1500m wedi gorffen yn wythfed yn ei ras yn y rownd agoriadol, ac roedd Scott Simpson yn chweched yn y naid â pholyn.

Ond roedd newyddion drwg i dîm 4x400m Cymru wedi iddynt orfod tynnu allan o'r gystadleuaeth oherwydd anaf i Rhys Williams.

> Dim tîm 4x400m i Gymru

SBONCEN

Roedd siom i Alex Gough a David Evans yn rownd yr wyth olaf o ddyblau'r dynion wrth iddynt golli yn erbyn Dan Jenson a David Palmer o Awstralia.

A colli yn rownd yr wyth olaf o'r dyblau cymysg oedd hanes Tegwen Malik a Gavin Jones hefyd wrth i Natalie Grinham a Joseph Kneipp o Awstralia ennill drwodd.

TENIS BWRDD

Roedd siom i Gymru yng nghystadleuaeth y dyblau i ddynion gyda Ryan Jenkins ac Adam Robertson, gipiodd arian ym Manceinion yn 2002, yn colli yn erbyn Alan Cooke a Paul Drinkhall o Loegr yn rownd yr wyth olaf.

Ond llwyddodd Adam Robertson, 22, i dalu'r pwyth yn ôl wrth iddo drechu Alan Cooke yn rownd yr wyth olaf o'r senglau.