91Èȱ¬

Thèid Baile Ùr an t-Slèibh an aghaidh Cheann a' Ghiùthsaich san iar-chuairt dheireannaich de Chupa MhicThàmhais.

Sa gheama eile bidh Camanachd an Eilein Sgitheanaich an aghaidh Ghleann Urchadain is an dà sgioba air an dòigh, tha fios, fuamhairean Bhàideanach a sheachnadh.

Chaidh an taghadh a dhèanamh Diluain is na ceithir sgiobaidhean air adhartas a dhèanamh air an deireadh-sheachdain.

Rinn Ceann a' Ghiùthsaich, a tha a' dìon na farpais, a' chùis air Lòbhat 3-0 is 's e 4-1 a bh' ann airson a' Bhaile Ùir an aghaidh Loch Abair.

Bha là air leth aig na Sgitheanaich is iad a' soirbheachadh 5-1 an aghaidh na Manachainn.

Rinn Gleann Urchadain, an aon sgioba bhon Lìog Nàiseanta a tha air fhàgail sa chupa, a' chùis 1-0 air Inbhir Nis.

Bidh na geamaichean ann Disathairne an 13mh den Chèitean.