Iar-chuairt dheireannach ICT air a dearbhadh

Tùs an deilbh, SNS

Tiotal an deilbh, Tha ICT a' tilleadh gu Hampden.

Chaidh dearbhadh gum bi an iar-chuairt dheireannach de Chupa na h-Alba eadar Caley Thistle Inbhir Nis is an Eaglais Bhreac ann Disathairne an 29mh den Ghiblean aig 12:15f.

Thèid an geama aig Hampden a chraoladh beò cuideachd air 91Èȱ¬ 1 Scotland.

Choinnich ICT is an Eaglais Bhreac sa chuairt dheireannaich de Chupa na h-Alba ann an 2015.

Rinn Inbhir Nis eachdraidh an là ud is iad a' buannachadh 2-1 gus an cupa a thogail 'son a' chiad turas.

Bidh an sgioba a bhuannaicheas an turas seo an aghaidh Celtic no Rangers sa chuairt dheireannaich.

Coinnichidh fuamhairean Ghlaschu aig Hampden san iar-chuairt dheireannaich eile Didòmhnaich an 30mh den Ghiblean aig 1:30f.

Tùs an deilbh, SNS

Tiotal an deilbh, James Vincent ann an 2015 is e direach air am ball a chur dhan lìon airson Cupa na h-Alba a bhuannachadh airson Inbhir Nis.