Cuairt eile de gheamannan ann an Lìg Leòdhais agus na Hearadh.

Tùs an deilbh, LHFA

Tiotal an deilbh, Tha cuairt eile de gheamannan ri thighinn a-nochd ann an Lìg Leòdhais agus na Hearadh.
  • Ù²µ³ó»å²¹°ù, Ruairidh A MacIllFhinnein
  • Dreuchd, Ruairidh MacLennan

Tha leth dhe na geamannan air a bhith air an cluich ann an lìg Leòdhais agus na Hearadh.

A-nochd tha ceithir geamannan eile gu bhith a' dol agus na sgiobaidhean an dòchas cur ris na puingean aca.

'S iad an Taobh Siar a tha aig mullach na lìge an-dràsta ach tha oidhche dheth aig an sgioba a tha air geama a bharrachd a chluich.

Tha an Rubha an dòchas faighinn gu mullach an lìg agus iad dìreach puing air dheireadh air na Siaraich. 'S e turas gu Nis a tha ri thighinn dhaibhsan a-nochd.

Cuiridh Athletic Steòrnabhaigh fàilte air na Hearadh agus iad ag amas air faighinn air falbh bho àiteachan ìosal na lìge.

Tha am Bac air cluich gu math thuige seo agus iadsan an dòchas na trì puingean fhaighinn aig an taigh an aghaidh United Steòrnabhaigh.

Tha seusan gu math duilich air a bhith aig na Lochan thuige seo agus iad aig bonn na lìge. Cuiridh iadsan fàilte air Càrlabhagh.

Tòisichidh na geamannan air fad aig 19.00f a-nochd