Rinn sinn ùrachadh air ar poileasaidh mu phrìobhaideachd is »åà ³Ù²¹-²ú°ù²¹²ú³ó²õ²¹¾±°ù
Rinn sinn atharrachadh cudromach air ar poileasaidh mu phrìobhaideachd is »åà ³Ù²¹-²ú°ù²¹²ú³ó²õ²¹¾±°ù agus tha sinn airson tuigse a bhith agaibh dè tha sin a' ciallachadh dhuibhse agus dhan dà ta agaibh.
Lìog na Gà idhealtachd a' stad
Tha Lìog na Gà idhealtachd am measg na bhios na tà mh 'son trì seachdainean co-dhiù is ball-coise na h-Alba fo ìre an Championship a' stad ri linn Chovid-19.
Bheir an casg buaidh air Lìog 1 is Lìog 2 san SPFL is air SWPL 1 is SWPL 2 ann am ball-coise nam ban.
A bharrachd air sin, sguiridh geamaichean ann an Lìog na Gà idhealtachd is Lìog na Galltachd, is ann an Lìogan Taobh Sear, Siar agus Ceann a Deas na h-Alba, agus na lìogan Junior.
Tha an casg cuideachd a' toirt a-steach Lìog Cailleanach a' Chinn a Tuath, a bha air innse mar-thà gun robh iad a' stad fad mìos co-dhiù air sgà th Chovid-19.
Thèid an casg a chur an sàs aig meadhan-oidhche Diluain.
Tha a h-uile geama eile ann an Cupa na h-Alba san Fhaoilleach dheth.
Deuchainnean
Ged a tha cead aig clubaichean an Championship cumail a' dol, bidh aca ri deuchainnean a dhèanamh gu cunbhalach.
Bha deuchainnean a' dol air adhart mar-thà sa Phrìomh Lìog.
"Bheachdaich sinn air cùisean a thaobh slà inte poblaich is iarrtas an Riaghaltais gus siubhail agus measgachadh a lùghdachadh, is aig an aon à m le sùil air cùmhnantan a tha a' cumail ball-coise proifiseanta a' dol a dhìon", thuirt an SFA.
"Às dèidh dhuinn coinneachadh ri Riaghaltas na h-Alba, dh'aontaich sinn ball-coise fon Championship a stad gu h-eadar-amail, a' toirt a-steach lìogaichean sa phioramaid a tha gu ìre mhòir pà irt-ùine", thuirt iad.
Dh'innis an SPFL fhèin gu bheil iad a' cur taic ris a' cho-dhùnadh.
Thuirt an SFA gun dèan iad fhèin is Riaghaltas na h-Alba measadh air an t-suidheachadh gach seachdain.
