91�ȱ�

Mae rhieni merch o Wrecsam sydd â chyflwr prin o diwmor ar yn ymennydd wedi llwyddo i godi'r £250,000 sydd ei angen ar gyfer llawdriniaeth arbennig yn yr Unol Daleithiau.

Cafodd Eva Williams ddiagnosis o DIPG - cyflwr sydd fel rheol yn effeithio plant rhwng dwy a 12 oed - ym mis Ionawr.

Ffynhonnell y llun, LLUN TEULU

Twitter

Mae croes wen ar ochr mynydd yn Nhonypandy wedi ei haddasu yn ystod y dyddiau diwethaf - a hynny er mwyn diolch i staff y Gwasanaeth Iechyd am eu gwaith yn ystod y pandemig.

Twitter

Awdurdod Parc Cenedlaethol Arfordir Penfro

Mae Awdurdod Parc Cenedlaethol Arfordir Sir Benfro wedi cyhoeddi arweiniad i bobl sydd â mynediad at gefn gwlad o’u stepen drws er mwyn eu helpu i gadw’n ddiogel pan fyddant yn mynd i gerdded.

Mae’r canllaw cefn gwlad yma’n cynghori pobl i wneud y canlynol:

Dim ond defnyddio llwybrau cefn gwlad yn eich cymdogaeth y gallwch chi gerdded atynt o’ch cartref.

·Aros ar y llwybr

·Cadw pellter cymdeithasol

·Cynllunio eich taith

·Parchu preswylwyr a thirfeddianwyr

·Cadw cŵn ar dennyn

·Cau giatiau

Twitter

Mae gohebydd Cymru Channel 4 News wedi trydar llun o uned dadheintio ambiwlansys yn Ysbyty Treforys yn Abertawe.

Twitter

Heddlu Trafnidiaeth ym Mhontypridd yn diolch i bobl am beidio teithio heb fod angen ar y trenau.

Twitter

Mae'r corff sy'n gyfrifol am sicrhau diogelwch pobl fregus a phlant yn y gogledd wedi anfon neges yn gofyn i bobl "edrych ar ôl ei gilydd er mwyn helpu’r rheiny sydd mewn perygl o gamdriniaeth ac esgeulustod."

Wrth gyfeirio at fesurau hunan-ynysu yn sgil coronafeirws maen nhw'n gofyn i bobl gadw llygad ar bobl ifanc ac oedolion a all fod mewn peryg.

Neges gan Fwrdd Diogelu Gogledd Cymru: "Byddwch yn wyliadwrus ac edrychwch ar ôl eich ffrindiau, eich teulu a’ch cymdogion ac os ydych chi’n gweld unrhyw arwydd o unrhyw fath o niwed rhowch wybod i’ch tîm diogelu lleol.”

Twitter

Mae Llywodraeth Cymru wedi cyhoeddi y bydd yn rhoi £200,000 i ddarparu cefnogaeth i glybiau chwaraeon nid-er-elw.

Bydd £200,000 yn cael ei roi gan Chwaraeon Cymru hefyd tuag at y gronfa argyfwng, yn wyneb y pandemig coronafeirws a'i effaith ar glybiau chwaraeon.

Dywedodd Prif Weithredwr Dros Dro Chwaraeon Cymru, Brian Davies: “Mae wir yn amser digynsail i bawb ac rydyn ni’n eithriadol ymwybodol o’r heriau i seilwaith chwaraeon Cymru.

"Rydyn ni eisoes wedi datgan cronfa gychwynnol gwerth hyd at £8.1m a fydd yn galluogi i ni barhau i gefnogi ein partneriaid y tu hwnt i’r Gronfa Cymorth Mewn Argyfwng. Byddwn yn gweithio’n agos gyda’n partneriaid yn ystod yr wythnosau sydd i ddod i benderfynu gyda’n gilydd sut orau i ddefnyddio’r gronfa i gefnogi chwaraeon yng Nghymru.”

Ychwanegodd: “Mae ein staff yn gweithio’n galed i sefydlu proses ymgeisio ar gyfer y Gronfa Cymorth Mewn Argyfwng i alluogi i ni ddarparu cyllid cyn gynted â phosib i’r rhai sydd ei angen fwyaf. O ystyried pa mor enfawr yw’r argyfwng presennol, rydym yn rhagweld y byddwn yn derbyn nifer sylweddol o geisiadau a bydd rhaid i ni gyfeirio’r cyllid i ble mae ei angen fwyaf.”

91�ȱ� Radio Wales

Mae Gweinidog yr Economi Ken Skates wedi dweud y bydd effaith ariannol coronafeirws mor wael â'r argyfwng economaidd diwethaf yn 2008.

Wrth siarad ar 91�ȱ� Radio Wales, dywedodd: "Unwaith y byddwn drwy hyn fe fydd modd i ni barhau gyda busnes. Os oedd gennych chi fusnes da yn 2019, fe fydd gennych chi fusnes da yn 2021."

Ychwanegodd fod pecynnau ariannol ar gael i'r mwyafrif o fusnesau ond roedd yn pryderu am "fylchau", gan gynnwys cymorth i bobl oedd yn hunan-gyflogedig am lai na blwyddyn.

Dywedodd hefyd fod y llywodraeth yn edrych ar ffyrdd o weithredu camau ymbellhau cymdeithasol yn y gweithle gyda chynghorau lleol ond nad oedd hyn yn hawdd.

Twitter

Post Cyntaf
91�ȱ� Radio Cymru

Yn dilyn y cyhoeddiad am gronfa ddycnwch gwerth £7m gan Gyngor Celfyddydau Cymru a Llywodraeth Cymru ddydd Mercher, mae un o swyddogion y Cyngor wedi bod yn trafod effaith y pandemig coronafeirws ar y celfyddydau.

Wrth siarad ar raglen Y Post Cyntaf fore dydd Iau, dywedodd Siân Tomos, Cyfarwyddwr Menter ac Adfywio Cyngor Celfyddydau Cymru:

"Mae hyn wedi taro'r celfyddydau yn ofnadwy, da'n ni wedi neud job mor dda yng Nghymru yn lleihau yn ddibyniaeth ar y pwrs cyhoeddus ond mewn sefyllfa fel hyn lle mae ffynonellau incwm yn cael eu torri dros nos mae'n creu problemau enbyd i'n sefydliadau celfyddydol ni.

"Da ni yn dibynnu ar bobl yn prynu tocynnau, paned yn y caffis, felly ryda'n ni yn falch o allu cyhoeddi rhyw fath o gyfraniad, mae'n gyfraniad sylweddol o £7m, cyfraniad o filiwn gan y llywodraeth a'n adnoddau ni am y 6 mis nesa i gyd mewn i gronfa i weld a allwn ni oroesi'r cyfnod anodd hyn."

Ychwanegodd: "Fe fydd yna gronfa i unigolion, artistiaid unigol a hefyd cronfa i sefydliadau. Ar ben hynny ryda'n ni yn cyd-weithio gyda phortffolio yr ydi’n ni yn ariannu yn flynyddol megis canolfannau fel Galeri, Chaper a Chanolfan y Mileniwm i weld a allwn ni ddefnyddio'r arian yr ydi’n ni yn rhoi iddyn nhw yn hyblyg a gweithio hefyd efo'r cynlluniau cenedlaethol, unrhyw fodd mewn gwirionedd o gynnal ein gilydd yn y creisis yma."

Ffynhonnell y llun, Getty Images

91�ȱ� Radio Wales

Mae cadeirydd Bwrdd Iechyd Betsi Cadwaladr wedi bod yn disgrifio'r pryder ymysg staff y bwrdd iechyd am ddiffyg cyfarpar diogelwch PPE.

Wrth siarad ar raglen Claire Summers ar 91�ȱ� Radio Wales fore dydd Iau, dywedodd Mark Polin mai hwn oedd prif bryder staff ar y wardiau:

"Mae mwy ar y ffordd, rydym yn deall. Mae digon ar gael am nawr ond fe fydd y stoc sydd ar gael ar draws Cymru a'r DU yn dod dan bwysau difrifol.

"Mae staff yn dweud wrthai eu bod yn defnyddio'r cyfarpar PPE ar raddfa ddychrynllyd o sydyn".

Ychwanegodd fod staff rheng flaen y bwrdd iechyd yn derbyn profion Covid-19, a bod 1500 o weithwyr yn hunan ynysu ar hyn o bryd, yn cynnwys staff nyrsio a chlinigol.

Dywedodd fod tua 100 o brofion wedi eu cynnal ddoe. a bod "y rhif yn cynyddu ond rydym angen llawer mwy".

"Mae'r nifer yn fach o gymharu gyda nifer y staff sydd ganddo ni," meddai.

Gall pob meddygfa yng Nghymru gael mynediad i system newydd sy’n galluogi i bobl gael apwyntiadau ar-lein gyda’u meddyg teulu a gweithwyr gofal iechyd proffesiynol eraill.

Bydd ymgynghoriadau o bell yn helpu meddygfeydd i gadw staff rheng flaen a’u cleifion yn ddiogel drwy leihau’r risg o ledaenu’r coronafeirws.

Dywedodd y Gweinidog ar gyfer Iechyd a Gwasanaethau Cymdeithasol Vaughan Gething:

“Mae arloesi fel hyn yn galluogi’r llywodraeth i helpu staff rheng flaen i gadw pobl yn ddiogel ac yn iach yn ystod yr amseroedd digynsail yma. Mae hefyd yn golygu haen arall o warchodaeth i staff y GIG.

“Rydyn ni’n newid y ffordd mae’r GIG yn gweithredu. Drwy gynnig apwyntiadau dros y ffôn ac ar fideo, gallwn leihau’r pwysau ar staff rheng flaen a rhoi cefnogaeth well i bobl gyda gwybodaeth a chyngor am gyswllt diangen.”

Ffynhonnell y llun, Llywodraeth Cymru

Mae mudiad sy'n ymgyrchu yn erbyn tlodi yng Nghymru yn cefnogi galwadau am newid i daliadau Credyd Cynhwysol er mwyn rhoi arian ar frys i bobl sy'n colli gwaith yn sgil pandemig y coronafeirws.

Daw'r alwad gan Sefydliad Bevan i gyflymu taliadau budd-dal wrth i Lywodraeth y DU gadarnhau fod nifer y bobl sydd wedi ymgeisio am y Credyd Cynhwysol naw gwaith yn fwy na'r arfer bythefnos ers i'r cyhoedd gael gorchymyn i aros adref.

Mae tua 950,00 o bobl yn y DU wedi ceisio am y budd-dal rhwng 16 a 31 Mawrth, o'i gymharu â'r oddeutu 100,000 arferol mewn cyfnod o bythefnos.

Llywodraeth Cymru

Mae Llywodraeth Cymru wedi dweud y bydd modd cynnal 1,100 prawf coronafeirws y dydd o wythnos nesaf ymlaen.

Erbyn canol Ebrill, bydd modd darparu'r profion i hyd at 5000 o gleifion ysbytai, pobl fregus a gweithwyr y GIG y dydd, os oes amheuaeth eu bod wedi dal yr haint.

Dywed swyddogion y bydd modd cynnal 4000 o brofion ychwanegol y dydd fel rhan o gytundeb rhwng cenhedloedd y DU.

Croeso i'n llif byw ar ddydd Iau 2 Ebrill.

Gydol y dydd fe gewch chi'r holl newyddion diweddaraf - yn bytiau pwysig a straeon mawr y dydd - am y sefyllfa ddiweddaraf am y pandemig coronafeirws yng Nghymru a thu hwnt.

Bore da i chi.