91Èȱ¬

Fe fydd holl glybiau Uwch Gynghrair Cymru yn cael ailddechrau chwarae ar unwaith, ar ôl iddynt adennill eu statws chwaraeon elît.

Fe gafodd holl gemau Uwch Gynghrair Cymru - y merched a'r dynion - yn ogystal â chynghreiriau JD Cymru Gogledd a De eu gohirio ar 21 Rhagfyr wrth i'r cyfnod clo diweddaraf ddod i rym.

Golygai'r penderfyniad y bydd clybiau yn Uwch Gynghreiriau Dynion a Merched Cymru yn ailddechrau chwarae yn unol â chanllawiau Covid Cymdeithas Bêl-droed Cymru.

Dyw'r gwaharddiadau ar gemau clybiau cynghreiriau'r De a'r Gogledd heb eu codi, gan nad oes ganddyn nhw statws chwaraeon elît.

Fe fyddan nhw'n cael ailddechrau pe bai statws lefel Covid Cymru yn gostwng o 4 i 3, neu eu bod yn adennill statws elît.

Dywedodd llefarydd ar ran Cymdeithas Bêl-droed Cymru y bydd trefn y gemau ar gyfer y ddwy gynghrair yn cael eu cyhoeddi cyn hir.