Bodloni ar fedal arian am y trydydd tro mewn llai nag wythnos oedd tynged Jazz Carlin ym Mhencampwriaethau Nofio Prydain nos Wener.
Fel yn y 200m a'r 400m, Rebecca Adlington rwystrodd Carlin rhag ennill wrth i'r bencampwraig Olympaidd gipio'r aur yn y ras 800m.
Sefydlodd Carlin record Gymreig newydd drwy orffen mewn amser o 8 munud 25.67 eiliad - pum eiliad yn arafach nag Adlington.
Mae perfformiadau ardderchog Carlin dros yr wythnos ddiwethaf wedi sicrhau lle iddi gystadlu yn nhîm Prydain ym Mhencampwriaethau'r Byd yn Tsieina ym mis Gorffennaf.
Ìý