Geàrr-iomradh air dèanamh cho-dhùnaidhean san RA
'S e deamocrasaidh a tha san Rìoghachd Aonaichte (RA). 'S e dùthaich a th' ann an deamocrasaidh anns am bi daoine a' taghadh an riaghaltais aca.
Tha cus dhaoine san RA airson am beachd fhaighneachd dhaibh, agus cus cho-dhùnaidhean ri dhèanamh, agus mar sin, tha riochdairean air an taghadh airson co-dhùnaidhean a dhèanamh. Tha riochdairean a' gabhail a-steach:
- Buill Phàrlamaid (BP)
- Buill Pàrlamaid na h-Alba (BPA)
- Comhairlichean ionadail
Carson a tha Alba air a riochdachadh ann an dà phàrlamaid?
Coimhead a' bhidio seo agus faigh a-mach mu fhèin-riaghladh agus carson a tha Alba air a riochdachadh ann an dà phàrlamaid.
Why are there two parliaments in Scotland?
Tha Alba air a bhith na pàirt dhen Rìoghachd Aonaichte bho 1707, ach ghlèidh i riamh a fèin-aithne. Mar eisimpleir tha an aon chànan agus an aon airgead ann an Alba 's a tha sa chòrr dhen RA, ach tha a siostaman lagha is foghlaim fhèin aice.
Cuin a chaidh Pàrlamaid na h-Alba a stèidheachadh?
Seach gu bheil Alba mar phàirt dhen Rìoghachd Aonaichte, bidh cuid de cho-dhùnaidhean a thaobh dè thachras ann an Alba air an dèanamh ann am Pàrlamaid na RA ann a' Westminster, Lunnainn. Ach bho 1999, tha cuid de cho-dhùnaidhean air an dèanamh do dh'Alba ann am Pàrlamaid na h-Alba ann a' Holyrood ann an Dùn Èideann.
Chaidh Pàrlamaid na h-Alba a stèidheachadh às dèidh ceathrad bliadhna de dh'iomairt agus referendum. Stèidhich pròiseas ris an canar è- a' Phàrlamaid agus thug e cumhachd dhi co-dhùnaidhean a dhèanamh air cuid de chùisean a tha a' toirt buaidh air Alba. Canar cùisean tiomnaichte riutha sin.