Gnathasan-cainnt mu nà dar an duine
- Dè seòrsa duine mun canadh tu nach gluaiseadh e an salainn bhon chlà r? Chante seo mu dhuine a bha socair agus solt ach a thug briseadh-dùil a dh' aindeoin sin. Bhiodh e caran coltach ri fear ris an cante nach leaghadh an t-ìm na bheul.
- Cluinnear far nach fhaicear e – chante seo mu dhuine a bha daonnan ag èigheach agus daonnan a' bruidhinn agus a bha caran ainmeil airson sin.
- Ma thuit thu na do phlian, ciamar a thuit thu? A-rèir D.R. Moireasdan à Sgalpaigh, ma thuit thu na do phlian, thuit thu is d' aghaidh ris an là r.
- Chante lorg a choise ri duine a bha muigh a' latha 's a dh' oidhche, gun stad, a' falbh 's a' tighinn, 's dòcha fiù 's a' fà gail là rach a chois anns a' pholl chionns gu robh e ann cho tric.
Seanfhacail is Abairtean
Nach ann fo do chois a bhrist am fà d
Chante seo, can, nam bà saicheadh duine a bha a' toirt taic do dh'fhear eile. Bha sin a' fà gail gu robh am fear a bha beò a' call an taic a b' à bhaist a bhith aige.
Chan eil agad ach an gad air an robh an t-iasg
Tha an aon chiall aige seo ri "Nach ann fo do chois a bhrist am fà d." Nam biodh grunn èisg agad ceangailte le sreang no pìos weir, bhiodh gad èisg agad.
Bheir dà shùil ort fhèin mas toir thu aon sùil air neach eile
Tha seo ag rà dh nach bu chòir dhut cuir sìos air daoine eile gun deagh shùil a thoirt ort fhèin an toiseach.
Na ceithir ranna ruadha
Nan cante mu dhaoine "Shiubhail iad ceithir ranna ruadha an domhain" bhite a' ciallachadh gun deach iad dhan h-uile à ite.
Caisean
Bha caisean de dhuine no caisean grà nda de dhuine air a rà dh mu dhuine greannach.
Fraoch feirge
Ma bha fraoch feirge ort, bha thu fiadhaich dha-rìribh agus bha coltas an fheirg ort.
'S iomadh fear a thèid le eallach ri seachdain chruaidh na caillich
Bha "seachdain chruaidh na caillich" bhon dà rna latha deug chun an ochdamh latha deug den Ghiblein. A dh' aindeoin droch shìde à m seachdain na caillich 's iomadh fear a dh'fheumadh biadh a thoirt gu beathaichean.
91Èȱ¬ iD
Stiùireadh a’ BhBC
Ceangalaichean 91Èȱ¬
91Èȱ¬ © 2014 Chan eil uallach air a' BhBC airson na th' air là raich-lìn eile.
Gheibhear sealladh nas fheà rr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na là raich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.