91热爆

Pericoma fuliginosa - owl midge, neu moth midge yn Saesneg.

Am y gwyddom ni, 'does yna ddim enw Cymraeg safonol arno fo - ac efallai bod 'Gwybedyn blewog' cystal a dim, tros dro beth bynnag.

Creadur bychan iawn yw hwn, ddaw at olau ffenestri ar noson gynnes. Mae'r llun uchod wedi ei chwyddo tua phymtheg gwaith - mewn gwirionnedd mae'r prifyn lai na hanner maint un o'r smotiau duon welwch chi yn y llun.

Ond, er mor fychan yw hwn, sylwch pa mor flewog ydi o, prawf o bwysigrwydd blew, i wahanol ddibenion, i bob math o greaduriaid, mawr a bach, ym myd natur.

Blew sy'n cadw'r creadur bychan hwn yn ddiddos - ond, ar begwn arall maint a phwrpas, blew yw corn rhinoseros hefyd!

Ac mae blew yn bwysig i rai planhigion cymaint ac i anifeiliaid - er enghraifft, ydych chi wedi gafael mewn dail poethion erioed?

Blew ar blanhigyn ac anifail, yn fawr ac yn fach, oedd pwnc Twm Elias ar Galwad Cynnar ar 5 Medi, 2009.

A be, fe'ch clywn chi yn gofyn, a wyr Twm Elias am flew ? Wel ...