Diolch i Valmai Matulla am yrru'r llun hwn i ni. Ei thad W.H.Hughes dynnodd o, ar Awst y drydydd 2004, yn yr ardd yn Nhrefor, Gwynedd. Ac mae o yn dangos na wyddom ni byth beth fydd yn troi i fyny yn ein gerddi ni i chwilio am damaid o fwyd.
Aderyn o ogledd yr Affrig yw'r Esgob Coch (Red Bishop, Grenadier Weaver). Mae ei diriogaeth arferol o yn ymestyn o Senegal i Etheopia a Tanzania, ac fe'i ceir yn Angola a De Affrica hefyd. Aderyn corsdir a glennydd llynoedd ac afonydd yw hwn, sydd yn byw ar bryfetach, hadau a blagur planhigion y gors
Sut daeth o i ymweld a gardd yn Nhrefor ? Wel, mae hwn yn aderyn poblogaidd iawn fel aderyn sioe ac fel aderyn caets, a'r tebygrwydd yw ei fod wedi dianc o gasgliad rhywun.
Ond, dyma ddangos y gall poblogaeth pluog cyffredin ein gerddi ni ddenu ymwelwyr gwahanol iawn i'w plith o dro i dro, a'i bod o hyd yn talu cadw golwg ar beth sydd yno.
Diweddaraf
Dolenni
Amserlen
Ar yr awyr nawr
05:00 Richard Rees
Richard Rees yn cyflwyno'r gerddoriaeth orau o bob cyfnod, o'r 70au a'r 80au hyd heddiw.
Noddwch Dafydd a Caryl yn dringo pum copa Cymru mewn pum diwrnod.
