91Èȱ¬

Cluinnidh sinn an abairt bochdainn connaidh gu math tric – ach dè fèir a tha sin a’ ciallachadh? An-diugh cluinnidh Coinneach bhon ailtire Màrtainn Mac a’ Bhàillidh dè tha luchd-togail a’ dèanamh an-diugh gus taighean a chumail blàth agus cosgaisean connaidh a lùghdachadh agus bhon fhear-naidheachd Mìcheal MacNèill air na h-oidhirpean is na h-iomairtean riaghaltais a tha a’ dol.

Cuideachd air a’ phrògram tha na eòlaichean saidheans Murchadh Peutan agus Iain Mac Aonghais a’ beachdachadh air beatha is obair Wallace Smith Broecker nach maireann. Bha Mgr Broecker, a bhàsaich an t-seachdain sa chaidh, fìor chudromach ann an saidheans aimsir leis gur e a stèidhich mòran bheachdan co-cheangailte ri blàthachadh na cruinne. Dè an dìleab a tha e air fàgail againn a thaobh ar tuigse air an àrainneachd?

Tha Seònaid Boydell a’ mìneachadh beagan mu chòmhstri foghlam anns an Fhraing – far a bheil cuid a thidsearan a’ toirt comharran àrda dha gach leanabh, mar dhòigh air seasamh an aghaidh atharrachaidhean poileasaidh.

Agus cluinnidh Coinneach bho Iain Mac a’ Phearsain mar a tha cuid a bhoireannaich Yazidi a’ dèiligeadh rim beatha às dèidh tràilleachd IS le bhith fuireach còmhla ann an coimhearsnachd de bhoireannaich a-mhàin. bbc.co.uk/coinneach