91�ȱ�

91�ȱ� Cymru Fyw

Dyna'r cyfan o'n llif byw coronafeirws ni am heddiw.

Fe fyddwn ni'n dychwelyd bore 'fory gyda holl bytiau o newyddion diweddaraf am yr argyfwng coronafeirws yng Nghymru a thu hwnt, ac fe allwch ddarllen ein hafan am fwy o fanylion yn y cyfamser.

Diolch am ddarllen, ac arhoswch yn ddiogel - hwyl fawr i chi.

Wrth ateb cwestiwn am y sefydliadau datganoledig, dywedodd Mr Raab bod trafodaethau cyson yn cael eu cynnal rhwng y pedair gwlad yn y DU.

Pwysleisiodd fod Cymru'n cyfrannu i gyfarfodydd yn rheolaidd, a'i fod yn gobeithio y byddai'r pedair gwlad yn symud ymlaen fel un wrth ddelio gyda coronafeirws.

Cyhoeddi ffigyrau diweddaraf y Swyddfa Ystadegau Gwladol am y pandemig.

Mae'r data diweddaraf hefyd yn dangos bod llywodraeth y DU wedi methu eu targed o gynnal 100,000 o brofion Covid-19 am y trydydd diwrnod yn olynol.

Mae'r ystadegau diweddaraf yn cadarnhau bod gan y DU y nifer uchaf o farwolaethau gyda Covid-19 yn Ewrop.

Yn gynharach heddiw, y ffigwr diweddaraf am farwolaethau yn Yr Eidal oedd 29,315.

Ychwanegodd Mr Raab bod tystiolaeth fod copa'r coronafeirws yn fflatio, ond pwysleisiodd nadyw'r DU wedi pasio'r copa eto.

Cadarnhaodd Mr Raab bod 693 yn rhagor o faarwolaethau wedi'u cofnodi ar draws y DU.

Mae'r cyfanswm bellach yn 29,427.

Bydd yr Ysgrifennydd Tramor Dominic Raab yn arwain cynhadledd y wasg Llywodraeth Prydain yn y man. Bydd yn ateb cwestiynau gan aelodau o'r wasg a'r cyhoedd ynglŷn â threfniadau'r llywodraeth ar gyfer profi am Covid-19 ac unrhyw beth am strategaeth y llywodraeth ar lacio'r cyfyngiadau.

Mae Gruffudd Owen wedi llunio cerdd i geisio crynhoi teimladau plant a phobl ifanc yn y cyfnod coronafeirws go rhyfedd yma.

Llywodraeth Cymru

Mae yna un achos posib o glefyd tebyg i Kawasaki y gellid ei gysylltu â coronafirws yng Nghymru yn ôl y Gweinidog Iechyd.

Wythnos diwethaf, cafodd meddygon y GIG rybudd am ymateb prin ond peryglus mewn plant a allai fod yn gysylltiedig â haint coronafirws.

Wrth roi tystiolaeth i'r Pwyllgor Plant, Pobl Ifanc ac Addysg, dywedodd Vaughan Gething “Rydym yn gwybod bod rhywfaint o dystiolaeth ddatblygol am yr hyn a elwir yn syndrom tebyg i Kawasaki. Ond mae hynny'n effeithio ar niferoedd bach iawn o blant, gydag un achos posib yng Nghymru, plentyn sydd yn cael gofal dwys. Ond nid yw hynny wedi'i gadarnhau.”

“Mae ein dealltwriaeth yn datblygu ar draws pob ystod oedran am y firws a’i effaith", meddai.

“Mae'n dal yn wir bod plant a phobl ifanc yn llai tebygol o gael eu heffeithio'n sylweddol gan COVID-19."

Ffynhonnell y llun, Getty Images

Twitter

Llywodraeth Cymru

Mewn llythyr agored cyn penwythnos Gŵyl y Banc, mae’r Prif Weinidog, arweinydd Cymdeithas Llywodraeth Leol Cymru, cadeirydd Grŵp Plismona Cymru Gyfan a chadeirydd Grŵp Prif Swyddogion Cymru yn galw ar bobl i aros gartref.

Mae’r llythyr yn dweud yn glir nad yw teithio i ail gartref yn cael ei ystyried yn angenrheidiol, ac y bydd unrhyw un sy’n gadael y cartref y maen nhw’n byw ynddo, neu’n aros i ffwrdd o’r cartref y maen nhw’n byw ynddo, heb esgus rhesymol, yn cyflawni trosedd.

Mae’r llythyr yn dweud bod pobl sy'n teithio i ail gartref yn "rhoi eu hunain a’r cymunedau y maen nhw’n teithio iddynt mewn perygl".

"Maen nhw’n rhoi pwysau y gellir eu hosgoi ar yr heddlu ac ar ein gwasanaethau iechyd, gan gynnwys rhoi galwadau ychwanegol ar gadwyni cyflenwi."

Ffynhonnell y llun, Getty Images

Cylchgrawn, Cymru Fyw

Wrth i lywodraethau ddechrau trafod pryd a sut i ddechrau llacio cyfyngiadau Covid-19 yn y Deyrnas Unedig, mae rhai gwledydd yn barod wedi dechrau dod allan o'u cyfnod clo nhw.

Ddeufis ers iddyn nhw drafod effaith y cyfyngiadau ar eu ffordd o fyw, tri o Gymry tramor sy'n egluro wrth Cylchgrawn Cymru Fyw sut mae eu bywydau nhw nawr yn dechrau dod yn ôl i drefn yn araf bach.

Mae'n bosib na fydd ras seiclo'r Tour de France yn mynd yn ei blaen o gwbl eleni wedi i Lywodraeth Ffrainc gyfaddef ei bod yn bosib na fydd y wlad yn barod i'w chynnal.

Y bwriad ar hyn o bryd yw dechrau'r ras ddeufis yn hwyrach na'r arfer, ar 29 Awst, oherwydd yr argyfwng coronafeirws.

Ond roedd hynny cyn i'r llywodraeth ymestyn y gwaharddiad ar gynnal digwyddiadau mawr nes mis Medi.

Mae disgwyl i gorff llywodraethu'r byd seiclo, yr UCI, gyhoeddi amserlen newydd ar gyfer prif ddigwyddiadau'r gamp heddiw.

Ffynhonnell y llun, Getty Images

Cyngor Sir Penfro

Bydd cŵn yn cael mynd ar rai o draethau Sir Benfro unwaith eto wrth i swyddogion o'r cyngor godi'r gwaharddiad sydd fel arfer yn ei le rhwng Mai a Medi.

Dywedodd llefarydd ar ran Cyngor Sir Benfro: “Ni fydd y cyngor yn gorfodi'r gwaharddiad (ar gŵn) yn ystod cyfnod cau Covid-19, o ystyried y materion ymarferol sy'n gysylltiedig â chynnal gweithgaredd gorfodi a'r pryderon y bydd hyn yn eu codi.

"Fodd bynnag, bydd y sefyllfa'n cael ei monitro, ac os daw hyn yn broblem, bydd mater gorfodi yn cael ei adolygu."

Roedd y gwaharddiad yn ei le ar draethau Lydstep, Niwgwl, Saundersfoot, traethau Dinbych y Pysgod, Amroth, traeth Poppit, Gogledd Aberllydan a Dale.

Ffynhonnell y llun, Getty Images