Covid-19: Y ffigyrau dyddiol uchaf ers mis Mai

Ffynhonnell y llun, Getty Images

Mae 16 yn rhagor o bobl wedi marw o haint coronafeirws ac mae 1,324 o achosion newydd wedi'u cofnodi, yn ôl ffigyrau diweddaraf Iechyd Cyhoeddus Cymru.

Mae cyfanswm y rhai sydd wedi cael prawf positif bellach yn 41,577 ac mae nifer y rhai sydd wedi marw o ganlyniad i'r haint yn 1,772.

Dyma'r ffigyrau dyddiol uchaf ers mis Mai.

Mae dros filiwn o brofion wedi'u cynnal yng Nghymru ar 691,907 o bobl ond mae 650,330 o'r rhai hynny wedi cael prawf negatif.

I osgoi neges Twitter
Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen Twitter a cyn derbyn. Er mwyn gweld y cynnwys dewiswch ‘derbyn a pharhau’.

Gallai hysbysebion ymddangos yng nghynnwys

Diwedd neges Twitter

Nos Wener fe ddaeth cyfnod clo byr i rym i geisio atal yr haint rhag lledu.

Mae ffigyrau Iechyd Cyhoeddus Cymru yn cynnwys marwolaethau mewn ysbytai a dim ond yn cynnwys achosion sydd wedi cael eu cadarnhau ar ôl prawf mewn labordy.

Dyw'r ffigyrau ddim yn cynnwys pobl o Bowys sydd yn cael triniaeth mewn ysbytai yn Lloegr.