91Èȱ¬

Mae wedi rhybuddio am beryglon llifogydd i ogledd Cymru wrth iddynt baratoi am stormydd ar ddydd Iau a dydd Gwener.

Dywed y corff y gall llanw uchel a gwyntoedd cryfion greu tonnau enfawr ac achosi i'r môr ymchwyddo ac arwain at lifogydd ar dir arfordirol.

Yn ôl y rhagolygon tywydd gellir disgwyl gwyntoedd cryfion ar hyd arfordir gogledd Cymru yn enwedig rhwng Ynys Môn a Lerpwl.

Mi fydd gweithwyr argyfwng Cyfoeth Naturiol Cymru yn cael eu lleoli mewn ardaloedd pwysig ar draws yr ardal yn barod i atgyweirio a sicrhau bod amddiffynfeydd y môr yn dal.

Yn ogystal byddant yn sicrhau bod gridiau draenio yn glir er mwyn lleihau'r risg o lifogydd i bobl a'u cartrefi.

Meddai llefarydd ar ran Cyfoeth Naturiol Cymru: "Rydym yn rhybuddio pobl i osgoi ymweld â'r glan môr rhag ofn iddynt gael eu hysgubo i ffwrdd gan donnau enfawr neu gael eu taro gan ddarnau o weddillion a chwythir gan y gwynt.

"Gall llifogydd fod yn ofnadwy o beryglus, a ni ddylai pobl geisio cerdded neu yrru trwyddo os nad ydynt yn cael eu cyfarwyddo i wneud gan y gwasanaethau argyfwng."

Mi fydd gwybodaeth ar gael wrth ffonio'r llinell lifogydd ar 0845 988 118 neu ymweld â'u gwefan.