91Èȱ¬

Does 'na ddim cytundeb rhwng y 91Èȱ¬ ac Eos wedi'r trafodaethau diweddara' gyda phosibilrwydd y bydd yr anghydfod yn para am dros fis.

Ond mae'r 91Èȱ¬ yn dweud bod yr asiantaeth hawliau darlledu Eos wedi cytuno i ystyried bod yn rhan o broses gymodi annibynnol.

Dewi "Pws" Morris yw'r diweddara' sy'n dweud na fydd yn cyfrannu at Radio Cymru tra bod yr anghydfod yn para.

Dywedodd ei fod yn annog eraill i beidio â chyfrannu a'i fod yn credu nad oedd y 91Èȱ¬ yn ganolog yn deall cyfraniad Radio Cymru at ddiwylliant Cymraeg.

Mae Eos, sy'n cynrychioli tua 300 o gerddorion Cymraeg, am i'r 91Èȱ¬ wella'r cynnig ynglÅ·n â thaliadau i gerddorion, awduron a chyhoeddwyr.

Roedd 'na gyfarfod ddydd Gwener rhwng y 91Èȱ¬ ac Eos drwy gyswllt fideo wedi cyfarfod wyneb yn wyneb ddydd Mawrth.

Fe wnaeth Eos gadarnhau bod y 91Èȱ¬ wedi gwrthod y cynnig roddwyd iddyn nhw gan yr asiantaeth yn y cyfarfod hwnnw.

Yn lle defnyddio corff cymodi swyddogol mae'r gorfforaeth wedi dweud y byddai'n fwy tebygol mai person annibynnol fydd yn cynnal y broses, cyfreithiwr neu arbenigwr diwydiant.

Mae'r 91Èȱ¬ yn cynnig talu am y broses.

Ond dywedodd Dafydd Roberts ar ran Eos y gallai fod yn fis eto cyn y bydd modd cytuno i gynnal trafodaethau cymodi.

Eglurodd fod ganddyn nhw broses ymgynghori i'w dilyn a bod rhaid cysylltu gyda'r aelodau i dderbyn mandad i gytuno i drafodaeth gymodi.

Dywedodd nad oedd yn gwybod faint o amser y byddai hyn yn ei gymryd ond gallai olygu cynnal cyfarfod cyffredinol ymhen rhyw fis.

Ychwanegodd fod y trafodaethau yn oedi oherwydd nad oedd y 91Èȱ¬ yn barod i symud oddi wrth y cytundeb presennol o ran talu ffi cyffredinol i PRS (Performing Rights Society) am gerddoriaeth.

Mewn llythyr at staff Radio Cymru ddydd Gwener dywedodd y golygydd, Lowri Davies: "Cynhaliwyd trafodaethau pellach heddiw ac rydan ni'n falch bod Eos wedi cytuno i ystyried cynnig y 91Èȱ¬ i ariannu proses gymodi annibynnol mewn ymdrech i ddod â'r anghydfod presennol i ben.

"Byddai hyn yn golygu penodi arbenigwr annibynnol ar y cyd i edrych ar y materion pwysig a chymhleth yma ynglŷn â gwerth y repertoire cerddoriaeth Gymraeg.

"Rydan ni'n edrych ymlaen at glywed gan Eos cyn gynted â phosib er mwyn i ni allu gweithio efo'n gilydd i ddod â'r anghydfod anodd yma i ben.

"Ein blaenoriaeth ni o hyd, wrth gwrs, ydy dod o hyd i gytundeb sy'n deg i bawb."

Gan ymateb i'r newyddion mwyaf diweddar ynglÅ·n â'r anghydfod rhwng y 91Èȱ¬ ac Eos am hawliau cerddoriaeth Gymraeg dywedodd Ymddiriedolwr Cenedlaethol y 91Èȱ¬ dros Gymru, Elan Closs Stephens: "Rwy'n mawr obeithio er mwyn y gynulleidfa fod y ffaith fod Eos yn awr yn ystyried cynnig y 91Èȱ¬ o broses gymodi annibynnol er mwyn ceisio datrys y mater hwn yn golygu bod gobaith y gellir dod i gytundeb mor fuan â phosibl."

Ers Ionawr 1 2013 dydi Radio Cymru ddim wedi gallu chwarae dros 30,000 o ganeuon Cymraeg.

Maen nhw hefyd wedi cwtogi oriau darlledu'r orsaf.

Mae caneuon Saesneg a cherddoriaeth glasurol ac offerynnol yn cael eu chwarae ar Radio Cymru yn y cyfamser.

Llwyddodd Eos i ddod i gytundeb serch hynny gyda S4C cyn y Nadolig.