91Èȱ¬

Mae'r 91Èȱ¬ wedi cyhoeddi bod EOS, y corff sy'n cynrychioli cannoedd o gerddorion a chyfansoddwyr Cymraeg wedi gwrthod cynnig ariannol y gorfforaeth i sicrhau'r hawliau i ddarlledu miloedd o ganeuon o fis Ionawr ymlaen.

Ffurfiwyd EOS am fod y cerddorion sy'n aelodau ohono yn anhapus a'r taliadau sydd bellach ar gael trwy asiantaeth freindaliadau'r PRS (Performing Rights Society).

Dywed y 91Èȱ¬ y byddai eu cynnig wedi golygu cynnydd "sylweddol ac arwyddocaol" yn y taliadau y maen nhw'n eu derbyn am ddarlledu eu gwaith ar Radio Cymru, ond ni chafwyd cytundeb wedi trafodaethau diweddar i geisio datrys yr anghydfod.

Dywedodd Cyfarwyddwr 91Èȱ¬ Cymru Wales, Rhodri Talfan Davies eu bod wedi gwrando yn astud ar bryderon y cerddorion:

"Yn anffodus, heddiw fe wrthododd EOS y cynnig, ac fe fynnon nhw fwy na dengwaith yr hyn sy'n cael ei dalu ar hyn o bryd. Dyw hynny ddim yn realistig mewn cyfnod pan mae pob darlledwr cyhoeddus yn wynebu toriadau."

Dywedodd Dafydd Roberts ar ran EOS eu bod wedi eu siomi'n arw bod y 91Èȱ¬ wedi cyhoeddi datganiad newyddion yn ystod trafodaethau heddiw, gan ychwanegu bod hynny'n amhriodol.

Mae EOS o'r farn nad ydy'r 91Èȱ¬ yn dymuno cynnal trafodaethau pellach.

Gwrthododd Mr Roberts honiad y 91Èȱ¬ fod eu cynnig yn un hael a mynnodd fod EOS wedi ildio mwy na'r 91Èȱ¬ yn ystod y trafodaethau.

Dywedodd ei fod wedi ei siomi fod y 91Èȱ¬ wedi parhau i gyfeirio at lefel y taliadau sydd ar gael trwy'r PRS. Roedd hyn meddai yn dangos diffyg dealltwriaeth oherwydd bod EOS yn gwmni newydd heb unrhyw gysylltiad â'r PRS.

Mae'r 91Èȱ¬ bellach yn disgwyl y bydd angen torri nôl ar oriau darlledu Radio Cymru yn y flwyddyn newydd.

Yn ôl Rhodri Talfan Davies: "Fe fyddwn ni nawr yn gorfod peidio â chwarae rhan helaeth o'r gerddoriaeth sy'n gyfarwydd i wrandawyr Radio Cymru o 1 Ionawr - penderfyniad sy'n peryglu ac yn niweidio gwasanaeth sydd wrth galon bywyd a diwylliant Cymraeg

"Fe fyddwn yn annog EOS i ail-ystyried eu safiad ac i ail gydio yn y trafodaethau cyn gynted a phosib. Yn y cyfamser fe fyddwn ni'n gwneud popeth o fewn ein gallu i warchod y gwasanaeth gwerthfawr mae Radio Cymru yn ei gynnig i'r gwrandawyr."

Yn ôl y 91Èȱ¬, fe gynigiodd y gorfforaeth ymestyn y trafodaethau neu fynd at wasanaeth cymodi annibynnol, ac mae'r 91Èȱ¬ nawr yn ystyried gofyn i dribiwnlys hawlfraint annibynnol benderfynu ar bris teg am y gerddoriaeth.