Er bod rhai miloedd yn llai na'r flwyddyn flaenorol wedi ymweld ag Eisteddfod Genedlaethol yr Urdd yn Abertawe 2011, disgrifiodd pennaeth yr Urdd y digwyddiad ar faes y tu allan i'r ddinas fel "steddfod fendigedig arall" ac un lwyddiannus.
Ychwanegodd Efa Gruffudd Jones, Prif Weithredwr yr Urdd, nad 芒 ffigurau mynediad yn unig y mae mesur llwyddiant Eisteddfod.
Ond meddai Efa Gruffudd Jones: "Dydym ni ddim yn mesur llwyddiant yr Eisteddfod yn 么l faint sy'n dod trwy'r g芒t - y mae'n un o nifer o ffactorau ond yn amlwg yr ydym ni mewn ardal eleni wahanol i ardal Ceredigion.
Cyfeiriodd hefyd at arwyddion eraill o lwyddiant Abertawe.
"Dwi wedi cael sylwadau fod pobl gynnes y fro hon wedi croesawu pawb, y stiwardiaid wedi bod yn hynod o gyfeillgar, y sioeau nos wedi bod yn arbennig o addas a bod pobl ifainc wedi gwerthfawrogi y cyfleoedd maen nhw wedi'u cael gan fod yr Eisteddfod wedi dod yma," meddai.
O holl weithgaredd yr Eisteddfod dywedodd mai'r 'un peth' fydd yn aros yn ei chof hi am yr wythnos fydd y Sioe Gynradd lle'r oedd cant o blant ar y llwyfan drwy'r amser.
"Plant o gymysgedd o gefndir ieithyddol wedi dod at ei gilydd i berfformio'n Gymraeg i safon hynod o uchel a'r plant a'r gynulleidfa wrth eu boddau."
